२ कोरन्‍थी 4:12 - मध्‍य पुरविया थारू

¹² अहिनङ हमसब मिरतुके मुहमे जियैचियै, जकर कारनसे तुसब अनन्‍त जिबन पाबनेचिही।

२ कोरन्‍थी 4:12 Referans Kwoze

२ कोरन्‍थी 13:9

हमसब कमजोर भेलियै तैयो तुसब बौकार चिही तहैमे हमसब खुस चियै आ तुसब परिपक हैले सक कैहके परथना करैचियौ।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

२ कोरन्‍थी 12:15

तोरासबके भलाइके लेल हमरसङे भेल सब चिज खुसिसे देबौ आ अपना स्‍वयमके देबौ। यदि हम तोरासबके बेसी परेम करैचियौ त कथिले हमरा कमतियै परेम करैचिही?

फिलिप्‍पी 2:30

कथिलेकी उ खिरिस्‍टके काम करैके लेल मिरतुके मुहमे परल छेलै। तुसब हमर लेल पुरा करैले नै सकल सेबा उ पुरा करल्‍कै।

२ कोरन्‍थी 4:11

अपनासबके यि मरैबला देहमे येसुके जिबन देखा परे कैहके हमसब जिबित रहितो ओकरलेल सबदिन मिरतुके मुहमे परैत रहैचियै।

२ कोरन्‍थी 4:13

“हम बिस्‍बास करलियै, ओहैसे हम बोललियै” कैहके पबितर धरमसास्‍तरमे लिखैबला लोके जखा हमरोसबमे बिस्‍बासके आत्‍मा भेलाके कारन हमसबसेहो बिस्‍बास करैचियै आ बोलैचियै।