२ कोरन्‍थी 4:10 - मध्‍य पुरविया थारू

¹⁰ येसुके जिबन अपनासबके देहमे परकट हेबे कैहके हमसब ओकर मिरतु सबदिन अपनासबके देहमे बोइकके चलैचियै।

२ कोरन्‍थी 4:10 Referans Kwoze

रोमी 6:5

यदि ओकर मिरतुमे अपनासब ओकरसङे एके भेलचियै त, ओकर पुनरुथानमे सेहो पक्‍का अपनासब ओकरमे एक हेबै।

२ तिमोथी 2:11

यि बात एकदम सत छै, यदी हमसब ओकरसङे मरल चियै त, ओकरेसङे जिबै।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

रोमी 6:8

महज यदि अपनासब खिरिस्‍टसङे मरल चियै त, ओकरसङे जिबित सेहो हेबै कैहके बिस्‍बास करैचियै।

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

२ कोरन्‍थी 1:5

हमसब जतहेक खिरिस्‍टमे दुख भोग्‍बै, ततहेक बहौत परमेस्‍वर अपनासबके खिरिस्‍टसे सान्‍तबना देतै।

रोमी 8:36

पबितर धरमसास्‍तरमे एहेन लिखलछै, “अहाँके लेल त हमसब हरेक दिन मरैचियै। हमसब काटैके लेल तयार करल भेंरासब जखा चियै।”

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

२ कोरन्‍थी 1:9

हमरासब त आब मैर जेबै जखा लागल छेलै। हमसब आपनेमे भरोसा राखैके लेल नै, महज मरलहासबके जियाइबला परमेस्‍वरमे भरोसा करे सकि कैहके यि हैले एलै।

गलाती 6:17

आबसे हमरा कोइने दुख देबे, कथिलेत हम खिरिस्‍ट येसुके दास चियै से परमान देखाबैले आपन देहमे ओकर चोटके डामसब धारन करनेचियै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

परकास 1:17

ओकरा देखके हम मरल जखा भेलियै आ ओकर टाङमे खैस परलियै। तखन उ हमर मुरमे दहिना हाथ राखैत कहल्‍कै, “नै डेरा, सुरु आ अन्‍त हम्‍ही चियै।

२ कोरन्‍थी 4:11

अपनासबके यि मरैबला देहमे येसुके जिबन देखा परे कैहके हमसब जिबित रहितो ओकरलेल सबदिन मिरतुके मुहमे परैत रहैचियै।

१ पतरुस 4:14

खिरिस्‍टके पछा चलैके कारन तोरासबके अपमान करैछौ त, तुसब धन्‍यके चिही, कथिलेकी परमेस्‍वरके महिमीत आत्‍मा तोरासबमे रहैछौ।