२ कोरन्‍थी 3:6 - मध्‍य पुरविया थारू

⁶ ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

२ कोरन्‍थी 3:6 Referans Kwoze

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

रोमी 7:6

महज अपनासबके अधिनमे राखैबला बेबस्‍थाके लेल मैरके आब ओइसे छुटकरा पाबनेचियै, ओहैसे अपनासब पुरन्‍का लिखल बेबस्‍था अनुसार सेबा नै करैचियै, महज पबितर आत्‍माके देल लया बिधी अनुसार परमेस्‍वरके सेबा करैचियै।

रोमी 8:2

कथिलेत परमेस्‍वरके आत्‍मा येसु खिरिस्‍टमे बिस्‍बास करैबलासबके अनन्‍त जिबन दैछै। अपनासबके पापके नियम आ मिरतुसे छुटकरा दैछै।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

हिबरु 7:22

यह्‍या किरियासे येसुके उतम करारके जमानत बनाइछै।

२ कोरन्‍थी 3:14

महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

लुका 22:20

ऐहनङे ख्‍यालेलाके बाद उ बाटी लेल्‍कै आ कहल्‍कै, “यि बाटी तोरौरके खातिर हमर लहुसे बान्‍हल लबका करार चियौ। यि लहु तोरेऔरके खातिर बह्‍याल गेल छौ।

१ कोरन्‍थी 11:25

तहिनङे रोटी खेलाके बाद बाटी लेल्‍कै आ कहल्‍कै, “परमेस्‍वर आ लोकके बिचमे समबन्‍ध अस्‍थपना करैबला यि हमर लहु चियौ। जहिया-जहिया तुसब यि पिब्‍ही, तहिया-तहिया हमर सम्‍झनामे एहेन कैरते रह।”

मतीके लिखल सुसमाचार 13:52

तब येसु फेनो ओइसबके कहल्‍कै, “अहै खातिर स्‍वरगके राजके बारेमे जानकार भेल्‍हा हरेक धरमगुरु एकटा घरके मालिक जखा चियै, जे आपन बखारीसे लबका आ पुरन्‍का अनमोल चिजसब निकाइल सकैछै।”

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

गलाती 3:21

तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

२ कोरन्‍थी 3:7

मिरतु आनैबला बेबस्‍था पथलके सिलेटमे खोपके लिखल छेलै। उ बेबस्‍था एहेन महिमामय भ्‍याके एलै कि ओकर चमकसे इजराएलीसब मोसाके चेहरा देखैले नै सकल्‍कै, महज उ चमक हराइते जाइतरहै। मिरतु आनैबला बेबस्‍था अनङ छेलै त,

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 3:5

अपोल्‍लोस के चियै? आ पावल के चियै? हमसब त परमेस्‍वरके खट्‍याल सेबकसब मातरे चियै, जकरसे तुसब बिस्‍बास करलिही। हमसब त परभुके खट्‍याल काम मातरे करैचियै।

रोमी 4:15

कथिलेत बेबस्‍था भङ करैबलासब उपर परमेस्‍वरके करोध परैछै। महज जते बेबस्‍था नै छै ओते भङ करैबला बाते नै छै।

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

मरकुस 14:24

उ ओइसबके कहल्‍कै, “यि परमेस्‍वर आ लोकके बिचके समबन्‍ध अस्‍थापित करैबला हमर लबका करारके लहु चियौ, जे बहुत लोकके लेल बहाएल जेतै।

मतीके लिखल सुसमाचार 26:28

यि परमेस्‍वर आ लोकसबके बिचमे समबन्‍ध बनाबैबला हमर लहु चियै, जे बहुतो लोकसबके पापसे छमा पाबैके लेल बह्‍याल ज्‍यारहल छै।

२ कोरन्‍थी 3:9

जब दोसी ठहराबैबला बेबस्‍था महिमामय छेलै त कि धरमी ठहराबैबला काम ओइसे बेसी महिमामय नै हेतै?

रोमी 4:17

पबितर धरमसास्‍तरमे एहेन लिखलछै “हम तोरा सन्‍सारके सब जातीके पुरखा बनाइने चियौ।” मरलसबके जिबन दैबला आ असतित्‍वमे नै भेल चिजके असतित्‍वमे लाबैबला परमेस्‍वरमे अबराहम बिस्‍बास करल्‍कै।

रोमी 1:5

अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

एफिसी 2:1

तुसब बिस्‍बास करैसे पहिने अटेरीपन आ पापके कारन आत्‍मिक रुपमे मरल छेल्‍ही।

२ कोरन्‍थी 3:3

साँचोके तुहिसब येसु खिरिस्‍टके लिखल चिठी अरथात हमरासबके करल सेबकाइके नतिजा चिही, जे चिठी मसिसे नै, महज जिबित परमेस्‍वरके आत्‍मासे लिखलगेल छै, पथलके सिलेटमे नै, महज लोकसबके हिरदयके सिलेटमे लिखलगेल छै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

हिबरु 8:13

परमेस्‍वर यि करारके “लया करार” कहल्‍कै, ओहैसे ओकर पहिनेके बान्‍हल करारके पुरना करार ठहरेल्‍कै। उ करार पुरान हैतजेतै आ जल्‍दिए नास हैतजेतै।