२ कोरन्‍थी 3:5 - मध्‍य पुरविया थारू

⁵ कोनोभी बात हमरासबके तरफसे एलछै कैहके हमसब दाबी करैके योग्‍यके नै चियै, महज हमरासबके योग्‍यता परमेस्‍वरसे आबैछै।

२ कोरन्‍थी 3:5 Referans Kwoze

२ कोरन्‍थी 12:9

महज परभु हमरा कहल्‍कै, “हमर अनुगरह तोहर लेल परसस्‍त छौ, कथिलेत हमर सक्‍ती कमजोरीमे पुरा हैछै।” तैखातिर खिरिस्‍टके सक्‍ति हमरमे रहे कैहके कमजोरीमे हम औरो खुसीसे घमन्‍ड करैचियै।

फिलिप्‍पी 4:13

खिरिस्‍टके देल सक्‍तीसे हम सबचिज करैले सकैचियै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

युहन्‍ना 15:5

“अङगुरके लती हम्‍ही चियौ, तुसब ठाइर चिही। यदी कोइ हमरमे रहतै आ हम ओकरमे रहबै त, उ बहौत फल फराइतै, कथिलेकी हमरसे अलग रैहके तुसब कुछो करैले नै सकबिही।

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

१ कोरन्‍थी 3:6

हम बिया छिटलियै, अपोल्‍लोस पानी पटाइल्‍कै महज बरहाबैबला काम त परमेस्‍वरे करल्‍कै।

लुका 21:15

कथिलेत हम तोरासबके एहेन सब्‍द आ बुधि देबौ, कि तोहर बिरोधीसब तोरासबके बात सुइनके एकोटाके जबाब दैले नै सक्‍तौ, ओकरौरके मुहमे तला लाइग जेतौ।

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

२ कोरन्‍थी 2:16

नास हैबलासबके लेल हमसब मिरतुके गन, महज मुक्‍ती पाबैबलासबके लेल हमरासबके जिबन गमक चियै। एहेन भारी कामके लेल के योग्‍य छै?

लुका 24:49

हमर पिताके परतिग्‍या हम तोरौरके लग पठाइबौ। महज परमेस्‍वरके सक्‍ती नै पाबैतक अहै सहरमे असियाले रहिये।”

रोमी 15:18

येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।