२ कोरन्‍थी 3:18 - मध्‍य पुरविया थारू

¹⁸ हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

२ कोरन्‍थी 3:18 Referans Kwoze

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

१ कोरन्‍थी 13:12

अखुन हमसब ऐनामे धोनराह देखैचियै, महज ओइ बखतमे साफ-साफ देख्‍बै। अखुन हम कमे बुझैचियै महज ओइ बखत परमेस्‍वर हमर बारेमे सब बात जानल जखा, हम्‍हु सब बात जान्‍बै।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

१ कोरन्‍थी 15:49

जहिनङे हमसब अखुन माटीसे बनल लोकके रुपमे धारन करनेचियै, तहिनङे एक दिन हमसब स्‍वरगके लोकके रुपमे धारन करबै।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

याकुब 1:23

जे बचन सुनैछै महज पालन नै करैछै, उ आपन मुह ऐनामे देखैबला लोक जखा हैछै।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

तितस 3:5

तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

रोमी 8:7

पाप स्‍वभाबके इक्‍छामे चलैबला लोक परमेस्‍वरके बिरोधी रहैछै, कथिलेत उसब परमेस्‍वरके बेबस्‍था पालन नै करैछै आ करैयोले नै सकैछै।

रोमी 8:4

बेबस्‍थाके कहल अनुसार हमसब चलैले सकी कैहके परमेस्‍वर अनङ करल्‍कै। आब हमसब आपन इक्‍छा अनुसार नै, महज पबितर आत्‍माके इक्‍छा अनुसार चलैचियै।

युहन्‍ना 12:41

यसैया यि बात कहल्‍कै, कथिलेकी उ येसुके महिमा देखल्‍कै आ ओकर बारेमे बाज्‍लै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

१ तिमोथी 1:11

सत सिदान्‍त यि चियै, जे परमधन्‍य परमेस्‍वरके महिमीत सुसमाचार अनुसार छै जकरा सुनाबैके जिम्‍मा हमरा देलगेल छै।

युहन्‍ना 17:22

जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

२ कोरन्‍थी 3:17

आब परभु आत्‍मा चियै आ जते परभुके आत्‍मा छै ओते स्‍वतनन्‍तरता रहैछै।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।