२ कोरन्‍थी 13:5 - मध्‍य पुरविया थारू

⁵ तुसब बिस्‍बासमे चिही कि नै चिही से आपनेसे जाँइचके देख। यदि जाँचमे असफल नै हेब्‍ही त खिरिस्‍ट तोरासबमे छौ कैहके थाहे हेतौ।

२ कोरन्‍थी 13:5 Referans Kwoze

१ कोरन्‍थी 11:28

तैखातिर हरेक लोक पहिने अपनाके ठिकसे जाँचे तकरबाद उ रोटी खेबे आ बाटीसे पिबे।

१ कोरन्‍थी 9:27

हम आपन देहके बसमे राखैके लेल तालिम द्‍याके खेलारी जखा अनुसासनमे राखैचियै। नै त औरोके परचार करलाके बाद हम आपने अयोग्‍य ठहरबै।

परकास 2:5

अहैलेल तु कतहेक गिरल चिही, से याद कर। पस्‍चाताप कर आ पहिनेके करल जखा परेम कर। यदि तुसब पस्‍चाताप नै करबिही त, हम आइबके तोरासबके डैठ उ जगहसे हटादेबौ।

गलाती 6:4

सबकोइ आपन-आपन कामके जाँच आपनेसे करे। तब आपन करल काम असल हेतै त, उ आपन करल काममे खुसी हैले सक्‍तै आ दोसरसङे तुलना करैले नै परतै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

१ कोरन्‍थी 11:31

यदि हमसब आपनेके ठिकसे जाँच्‍ने चियै त, नियाइमे नै परबै।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

रोमी 8:10

यदि खिरिस्‍ट तोरासबमे छौ त, तोरासबके देह पापके कारनसे मरतौ तैयो तोरासबके आत्‍मा सबदिनके लेल जिबित रहतौ, कथिलेत परमेस्‍वर तोरासबके आपन अगा धरमी बनाइनेछौ।

हिबरु 4:1

अपनासबके बिसराम देबौ कैहके परमेस्‍वरके करल परतिग्‍या अखुनो छै। ओहैसे होसियार रह आ उ बिसरामके ठाममे ढुकैले तोरासबमेसे कोइ नै छुटे।

१ कोरन्‍थी 9:24

दौरमे भाग लैबला सबकोइ दौरैछै महज एक गोरे मातरे इनाम पाबैछै से बात तोरासबके थाह नै छौ? तैखातिर तुसब इनाम पाब्‍बै तै किसिमसे दौर।

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

तितस 2:2

बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

एफिसी 3:17

तुसब बिस्‍बास करलासे खिरिस्‍ट तोरासबके हिरदयमे बास करतौ आ ओकर परेममे तोरासबके जैर बरहैत आ बलगर हैत ज्‍या कैहके हम परथना करैचियौ।

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

युहन्‍ना 17:23

हम ओकरासबमे आ अहाँ हमरमे चियै। अहिनङके उसब पुरा रुपसे एक हेबे आ अहाँ हमरा पठाइनेचियै आ जहिनङे अहाँ हमरा परेम करैचियै तहिनङे हमरमे बिस्‍बास करैबलासबके परेम करैचियै से सन्‍सारके लोकसब जाने।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

कलस्‍सी 2:7

तुसब आपन बिस्‍बासके जैर ओकरमे गैहरतक गारने रह आ ओकरसङे आपन समबन्‍ध बलगर बनाइत जो। तोरासबके भेटल सिक्‍छा अनुसार बिस्‍बासमे अस्‍थिर भ्‍याके ओकरा धन्‍यबाद दैतरह।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

१ कोरन्‍थी 6:2

पबितर जनसब सन्‍सारके लोकसबके नियाइ करतै कैहके, कि तोरासबके थाह नै छौ? यदि तुसब सन्‍सारके लोकसबके नियाय करैचिही त, एहेन छोट से छोट झगरासब मिलाबैले नै सकैचिही?

युहन्‍ना 6:56

हमर देह खाइबला आ हमर लहु पियैबला हमरमे रहैछै आ हम ओकरमे रहैचियै।

युहन्‍ना 6:6

यि बात फिलिपके मन जाचैके लेल कहने छेलै, कथिलेत येसु जे करैले ज्‍यारहलछेलै, से आपनेसे जानैछेलै।

१ पतरुस 5:9

बिस्‍बासमे बौकार भ्‍याके सैतानके बिरोध कर। कथिलेकी सन्‍सारमे भेल औरो बिस्‍बासीसब सेहो अहिनङे दुख भोइगरहलछै से बात तोरासबके थाहेछौ।

हिबरु 6:8

महज औरो लोक काट आ कुस उबजाबैबला जमिन जखा हैछै। उ जमिन बेकार हैछै। एहैन जमिनमे त परमेस्‍वरके सराप परे सकैछै आ अन्‍तमे आइगसे नास हेतै।

१ कोरन्‍थी 6:15

तोरासबके देह खिरिस्‍टके अङ्‍गसब चियौ कैहके कि तोरासबके थाह नै छौ? कि हम खिरिस्‍टके अङ्‍गसब ल्‍याके बेस्‍यासबके अङ्‍ग बनाइबै? एहेन कहियो नै हेबे!

रोमी 1:28

उसब परमेस्‍वरके सत ग्‍यानके बेकाम ठानल्‍कै। ओहैसे परमेस्‍वर ओकरासबके ओहैसबके कुबिचारमे छोइरदेल्‍कै।

तितस 1:13

यि कहल बात साँचोके चियै। अहैलेल ओइसबके करासे चेताइनाइ जरुरी छै, ताकि उसब बिस्‍बासमे बौकार हेबे।

२ तिमोथी 3:8

जनङ यान्‍नेस आ याम्‍बरेस मोसाके बिरोध करने रहै, तैहनङ यि लोकसब सत्‍यताके बिरोध करैछै। अकरौरके बुइध भरस्‍ट भ्‍यागेल्‍छै आ बिस्‍बास हराएल छै।

१ तिमोथी 2:15

महज तैयो जनी नम्‌र भ्‍याके बिस्‍बास, परेम आ पबितर रहतै त बच्‍चा जलमाइबेर उसब उदार पाबतै।

कलस्‍सी 2:19

अहिनङ यिसब त आपन सिर, जे खिरिस्‍ट चियै, ओकरसङे कोनो समबन्‍ध नै राखैछै। खिरिस्‍ट देहके सिर चियै जे पुरे देहके हटाकटा बनाबैछै, एहैन कैरके देह, गिरह-गिरह आ नसा-नसासब जुटैत परमेस्‍वरेके योजना अनुसार बरहैत-बरहैत जाइछै।