२ कोरन्‍थी 13:14 - मध्‍य पुरविया थारू

¹⁴ परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

२ कोरन्‍थी 13:14 Referans Kwoze

एफिसी 2:22

तु गैर-यहुदीसब सेहो ओकरमे औरो जनसबसङे उ घर बनैचिही, जते परमेस्‍वरके आत्‍मा बास करैछै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

१ कोरन्‍थी 16:23

परभु येसु खिरिस्‍टके अनुगरह तोरासबसङे रहे।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।

फिलिप्‍पी 2:1

यदि खिरिस्‍टमे रहलाके कारन तुसब कुछ उत्‍साह पाबनेचिही, या ओकर परेमसे तुसब कुछ सानत्‍वना पाबनेचिही, या पबितर आत्‍माके संगती पाबनेचिही, या एक दोसरसङे परेम आ दया करैचिही त,

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

युहन्‍ना 7:38

जे कोइ हमर उपर बिस्‍बास करैछै, पबितर धरमसास्‍तरमे कहल अनुसार उ लोकके हिरदयसे जिबित पानीके लदीसब बहतै।”

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

एफिसी 6:23

सब बिस्‍बासी भाइ-भैयारीसबके परमेस्‍वर पिता आ अपनासबके परभु येसु खिरिस्‍ट सान्‍ती, परेम आ बिस्‍बास देबे।

रोमी 16:23

हमरा आ पुरे मन्‍डलीके आपन घरमे स्‍वागत करैबला गायस सेहो तोरासबके गोरलगी कहनेछौ। यि सहरके कोसाध्‍यक्‍छ इरास्‍तस आ अपनासबके भाइ क्‍वारटस सेहो तोरासबके गोरलगी पठाइनेछौ।

रोमी 8:39

नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

१ युहन्‍ना 3:24

जे परमेस्‍वरके आग्‍यासब पालन करैछै, उ सबगोरा ओकरेमे रहैछै आ परमेस्‍वर ओकरासबमे रहैछै। परमेस्‍वर अपनासबमे बास करैछै से बात परमेस्‍वरके द्‍याल पबितर आत्‍मासे हमसब जानैचियै।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

एफिसी 2:18

खिरिस्‍टके कारनसे अपनासब एके पबितर आत्‍मा पाइबके पिता परमेस्‍वरके सामने जाइले सकैबला भेलचिही।

१ कोरन्‍थी 14:16

तुसब आत्‍मामे परमेस्‍वरके परसन्‍सा करबिही महज तोहर बात नै बुझैबला लोक तोहर बातमे सहमति जनाबैले कनङके “आमेन” कहतौ? कथिलेत उ तोहर कहल बात नै बुझैछौ।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

रोमी 16:27

एक मातरे सरबग्‍यानी परमेस्‍वरके येसु खिरिस्‍ट दुवारा सबदिन महिमा हैतरहे! आमेन।

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”