16 हम तोरासबके भार नै भेलियौ, यि बात त तोरासबके थाहे छौ। हम चलाकी कैरके तोरासबके फसेलियौ कैहके कोइ-कोइ कहैछौ।
तोरासबके थाहे छौ कि, हमसब तोरासबके चापलुसी नै करलियौ आ नै त कोनो चिज पेबै कैहके लोभ करलियौ। अकर साक्छी परमेस्वर स्वयम छै।
कथिलेकी जे सुसमाचारमे बिस्बास कर कैहके आगरह करलियौ उ कोनो खराब वा असुध बिचारसे नै आ नै त कोनो छल-कपटसे छै।
औरो मन्डलीके तुलनामे हम तोरासबके कोन बातमे नै निक बेबहार करलियौ? हँ, हम तोरासबके लेल बोझ नै भेलियौ। एह्या हमर गल्ती चियै, अइमे हमरा छमा कैरदे।
तुसब आपन हिरदयमे हमरासबके ठाम दहै। हमसब ककरो अनियाय नै करनेचियै। हमसब ककरो खराब बाट नै देखाइने चियै आ नै ककरोसे फैदा उठाइने चियै।
हमसब सब किसिमके घोसैरके करैबला सरमके कामसब त्यागनेचियै। हमसब धुर्त काम नै करैचियै नै त परमेस्वरके बचनके गलत हिसाबसे परयोग करैचियै। महज परमेस्वरके सामने हमसब खिरिस्टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।
अइ बातमे हमसब गर्भ करैचियै आ हमरासबके बिबेक सेहो साक्छी दैछै कि, अइ सन्सारमे बिसेस कैरके ओइसबसङे समबन्धमे हमसब इमान्दार आ परमेस्वरमे पबितर जिबन बितेलियै। यि हमसब सन्सारके ग्यानसे नै महज परमेस्वरके अनुगरहसे पाबनेचियै।
कथिलेकी परभु कतहेक दयालु छै से बातके सबाद तुसब पाबनेचिही।
लोकसब हमरासबके आदर करतै तैयो अनादर करतै तैयो, जस करतै तैयो अबजस करतै तैयो हमसब परमेस्वरके सेबा करैचियै। हमसब इमानदार चियै महज लोकसब ठगहा कहैछै।
कथिलेकी कोइ तोरासबके दास बनाइछौ, तोरासबके सोसन करैछौ, तोरासबसे फाइदा उठाइछौ, तोरासबके अगा धाख लगाइछौ आ तोरासबके गालमे थपराइछौ तैयो तुसब सब सहैचिही।