२ कोरन्‍थी 12:10 - मध्‍य पुरविया थारू

¹⁰ ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।

२ कोरन्‍थी 12:10 Referans Kwoze

२ कोरन्‍थी 12:9

महज परभु हमरा कहल्‍कै, “हमर अनुगरह तोहर लेल परसस्‍त छौ, कथिलेत हमर सक्‍ती कमजोरीमे पुरा हैछै।” तैखातिर खिरिस्‍टके सक्‍ति हमरमे रहे कैहके कमजोरीमे हम औरो खुसीसे घमन्‍ड करैचियै।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

रोमी 5:3

अतबेक नै, हमसब आपन दुख-कस्‍टमे सेहो आनन्‍द मनाबैचियै कथिलेत हमसब जानैचियै कि दुख-कस्‍टसे सहनसिलता उतपन कराबैछै,

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

याकुब 1:2

हे हमर भाइ-भैयासब, तोरौरके जब कोनो किसिमके आपत-बिपत एतौ तखुन तुसब खौब आनन्‍दके बात समझ।

२ कोरन्‍थी 6:4

महज हरतरहसे हमसब आपनेके परमेस्‍वरके सेबकसब चियै कैहके देखाइचियै। सब कठिनाइ, बिपत, सङकट आ दुखमे धिरजसे सहन करैचियै।

परेरित 5:41

तब येसुके नाममे अपमान सहैके योग्‍य चियै कैहके खुसी मनाइत उसब महासभामे गमलिएलके बात मानैत निकैलके गेलै।

२ कोरन्‍थी 13:9

हमसब कमजोर भेलियै तैयो तुसब बौकार चिही तहैमे हमसब खुस चियै आ तुसब परिपक हैले सक कैहके परथना करैचियौ।

२ कोरन्‍थी 1:4

परमेस्‍वरसे पाबलहा सान्‍तबनासे हमसब दुखमे परलहासबके सेहो सान्‍तबना दैले सकि कैहके उ अपनासबके सब दुखमे सान्‍तबना दैछै।

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

युहन्‍ना 15:21

हमर नाममे बिस्‍बास करलाके खातिर उसब तोरासबके यि सब सताइबला काम करतौ, कथिलेत उसब हमरा पठाइबला पिताके नै चिन्‍हैछै।

१ कोरन्‍थी 4:10

हमसब खिरिस्‍टके सेबक भेलासे लोकसबके नजरमे मुरुख भेलचियै, महज तुसब त खिरिस्‍टके लेल बुधिमान चिही। हमसब कमजोर चियै, महज तुसब बौकार चिही। लोकसब त तोरासबके आदर करैछौ महज हमरासबके अनादर करैछै।

परकास 2:3

हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

२ कोरन्‍थी 10:18

कथिलेकी जे आपन तारिफ आपनेसे करैछै, उ कोनो महत्‍वके बात नै चियै, महज जकर तारिफ परभु करैछै उ बहौत मुल्‍यबानके ठानल जाइछै।

२ थेसलोनिकी 1:4

अहै खातिर सब परकारके सताबट आ कस्‍ट सैहरहल साहस देखके अस्‍थिर आ बिस्‍बासके बारेमे मन्‍डलीके बिचमे हमसब गौरब करैचियै।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

२ कोरन्‍थी 7:4

तोरासबमे हमरा पुरा भरोसा छै। हम तोरासबमे एकदमे गर्‌भ करैचियौ। हम तोरासबसे पुरा रुपमे उत्‍साह पाबने चियौ आ कस्‍टोसबमे हम बहुत आनन्‍दित चियौ।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

२ कोरन्‍थी 5:20

ओहैसे हमसब खिरिस्‍टके राजदुतसब चियै आ परमेस्‍वर हमसबसे तोरासबके बिन्‍ती कैर रहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।