२ कोरन्‍थी 11:3 - मध्‍य पुरविया थारू

³ जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 11:3 Referans Kwoze

कलस्‍सी 2:8

होसियार रह, कोइ नै तोरासबके दरसन सास्‍तर या लोकसबके छल कपटसे बातमे फसाबे। एहेन बातसब खिरिस्‍टसे नै महज लोकसबके परम्‍परा आ सन्‍सारके सिक्‍छासे एलछै।

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

कलस्‍सी 2:4

अहै खातिर तोरासबके कहैचियौ बिस्‍बास लागैबला जखा झुठ बातसे कोइ नै धोखा देबे।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

१ तिमोथी 2:14

दोसर बात आदम सैतानके छलमे नै बरु हब्‍बा छलमे पैरके परमेस्‍वरके आग्‍या भङग करल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

गलाती 3:1

हे मुरुख गलातीके बिस्‍बासी लोकसब, तोरासबके के मोहनी लग्‍याके मोइह लेल्‍कौ? तोरेसबके आँखेके अगा येसु खिरिस्‍ट कुरूसमे टाङलगेल बात अस्‍पस्‍ट रुपसे कैहदेनेछेलौ।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

१ युहन्‍ना 2:18

हमर पिरिय धियापुतासब, यि अन्‍तिम घरी चियै। खिरिस्‍ट बिरोधी आबैबला छै से तुसब सुन्‍नेचिही। खिरिस्‍टके बहौत बिरोधीसब त आइबगेल छै। तहैसे अपनासब यि अन्‍तिम घरी चियै से बात जानैचियै।

२ पतरुस 3:17

महज हे हमर पिरियसब, तुसब त यि बातसब पहिनेसे बुझलाके कारन होसियार रह। तब दुस्‍ट लोक तोरासबके अलमलमे नै परेसक्‍तौ आ तोरासबके बौकार बिस्‍बास कमजोर नै हेतौ।

गलाती 4:11

हमरा डर भ्‍यारहल छै, कि हम तोरासबके खातिर बेरथेमे दुख करलियै?

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

१ थेसलोनिकी 3:5

ओहैसे जब हमरा नै रहल गेलै त, तुसब बिस्‍बासमे बलगर चिही कि नै बुझ्‍हैके लेल तिमोथिके तोरासबलग पठेलियौ। पापमे फसाइबला सैतान कहि तोरासबके फसाके हमरासबके करल मेहनत बेकार कैरदेल्‍कै कि कथी कैहके हम घबरागेलियै।

एफिसी 6:24

परभु येसु खिरिस्‍टके परेम करैबला सङे परमेस्‍वरके अनुगरह सबदिन रहे।

गलाती 2:4

खतनाके यि बात उठलै कथिलेत कतहेक झुठा बिस्‍बासीसब बहाना कैरके अपनासबके बिस्‍बासीसबके जेरमे एलै। उसब खिरिस्‍ट येसुमे भेल अपनासबके स्‍वतन्‍तरताके चेवा करैले आ हमरासबके बेबस्‍थाके दास बनाइले चाहैछेलै।

२ कोरन्‍थी 4:2

हमसब सब किसिमके घोसैरके करैबला सरमके कामसब त्‍यागनेचियै। हमसब धुर्‌त काम नै करैचियै नै त परमेस्‍वरके बचनके गलत हिसाबसे परयोग करैचियै। महज परमेस्‍वरके सामने हमसब खिरिस्‍टके बारेमे सत बात मातरे बोलैचियै, ताकि कोनो लोकसबके मनमे हमसब छल करैचियै कैहके दोस लगाइले नै पाबे।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

तितस 1:10

कथिलेकी बहुतो एहेन लोकसब रहै जेसब अगुवासबके अधिनमे रहैले नै मानै, बेरथके बात करै आ दोसरके धोखा दैछै। खास कैरके त खतना हैकेचाही कहैबलासब ओहेन हैछै।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

कलस्‍सी 2:18

हमरासबके दरसन मिललछै कैहके झुठ नमरता देखाबैत, स्‍वरगदुतके पुजा करैबला आ आपनेके महान समझैबलासब छै। उसब एहेन छल-कपटमे फैसके तुसब पाबैबला इनाम नै गुमा। एहेन लोकसब बिना कारन देहके स्‍वभाबके ग्‍यानमे घमन्‍ड कैरके फुलल रहैछै।

२ कोरन्‍थी 11:29

कोइ कमजोर छै त हम्‍हु कमजोर भेल महसुस करैचियै। जब कोइ पापमे फस्‍याल जाइछै त हमरा एकदमसे रिस उठैछै।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

परकास 20:2

उ स्‍वरगदुत अजेगरके पकैरके एक हजार बरिसतक बाइन्‍हके राखल्‍कै। उ अजेगर सुरुके साँप या दुस्‍टके रजा आ सैतान चियै।

२ कोरन्‍थी 11:20

कथिलेकी कोइ तोरासबके दास बनाइछौ, तोरासबके सोसन करैछौ, तोरासबसे फाइदा उठाइछौ, तोरासबके अगा धाख लगाइछौ आ तोरासबके गालमे थपराइछौ तैयो तुसब सब सहैचिही।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

परकास 12:15

ओइ जनिके बाढ बहाके ल्‍याजेतै सोइचके अजेगर आपन मुहसे लदी जखा पानी निकालल्‍कै।