२ कोरन्‍थी 11:10 - मध्‍य पुरविया थारू

¹⁰ खिरिस्‍टके सत बात हमरमे रहैतक अखैया परदेसके कोइ नै हमर यि घमन्‍ड करैबला बातसबसे रोकैले सक्‍तै।

२ कोरन्‍थी 11:10 Referans Kwoze

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

रोमी 1:9

हम आपन पुरे मनसे परमेस्‍वरके बेटाके बारेमे सुसमाचार परचार कैरके सेबा करैचियै। हम आपन परथनामे तोरासबके सबदिन सम्‍झैचियौ से बातके साक्‍छी परमेस्‍वर आपने चियै।

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

२ कोरन्‍थी 1:23

हम परमेस्‍वरके साक्‍छी माइनके कहैचियौ कि, तोरासबके हपकाइले नै परे कैहके हम फेरसे कोरिन्‍थ सहरमे नै एलियै।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

१ थेसलोनिकी 2:10

हमसब बिस्‍बासीसब सङे रहैतकाल हमरासबके बेबहार पबितर, धारमिक आ निरदोस छेलै। तकर गबाही परमेस्‍वर आ तुसब अपने चिही।

१ थेसलोनिकी 2:5

तोरासबके थाहे छौ कि, हमसब तोरासबके चापलुसी नै करलियौ आ नै त कोनो चिज पेबै कैहके लोभ करलियौ। अकर साक्‍छी परमेस्‍वर स्‍वयम छै।

गलाती 1:20

हमर लिखल बात साँच चियै आ हम झुठ नै बोलैचियै से परमेस्‍वर जानैछै।

२ कोरन्‍थी 12:19

भ्‍यासकैछै, हमसब यि सब आपन बचाबके लेल करैचियै कैहके आपन मनमे बिचार करैचिही। महज एहेन नै छै! पिरियसब, हमसब परमेस्‍वरके अगा खिरिस्‍टमे बोलैचियै। यि सबकाम तोरासबके बलगर बनाइके लेल करैचियौ।

२ कोरन्‍थी 11:31

परभु येसुके परमेस्‍वर आ पिता, जे सबदिन धैनके चियै, उ जानैछै कि हम झुठ नै बाजैचियै।

२ कोरन्‍थी 11:12

हम जे काम कैर रहलचियै से काम कैरते रहबै, ताकी ओइसबके करल काम हमरे बराबर चियै कैहके उसब घमन्‍ड करैके मौका नै पाबे।

२ कोरन्‍थी 10:15

हमसब सिमा नाइङहके दोसरके मेहनतमे घमन्‍ड नै करैचियै, महज हमरासबके आसा यि छै कि तोरासबके बिस्‍बास बढते जाइबखत तोरासबके बिचमे हमरासबके कामके सिमा औरो बेसिसे फैलते जाए।

२ कोरन्‍थी 9:2

कथिलेत तुसब सहायता करैके लेल एकदमसे तयार चिही से हम जानैचियै। हम तोरासबके बारेमे माकेडोनिया परदेसके लोकसबके गर्‌भ कैरके कहलियै कि पौरकेसे तु अखैया परदेसमे भेल लोकसब भेटी दैकेलेल तयार चिही। तुसब उत्‍साहित भेलाके कारन उसब सेहो औरो बेसि उत्‍साहित भेलछै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

रोमी 16:5

ओइसबके घरमे भेला हैबला बिस्‍बासीसबके हमर गोरलगी सुन्‍यादहै। हमर पिरिय सङी, इपेनितसके सेहो गोरलगी सुन्‍यादहै। उ एसिया परदेसमे सबसे पहिने खिरिस्‍टमे बिस्‍बास करैबला लोक चियै।

परेरित 18:27

तकरबाद अपोलस अखैया इलाकामे जाइके बिचार करल्‍कै। एफिससमे रहल परभुके बिस्‍बासीसब ओकरा जाइले उत्‍साह देल्‍कै तब अपोलसके स्‍वागत करिहे कैहके ओते रहैबला चेलासबके एकटा चिठी लिखके पठाइल्‍कै। अखैया पुगलाके बाद अपोलस ओते परभुके अनुगरहके कारन बिस्‍बास करैबलासबके बहौत सहायता करल्‍कै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।