२ कोरन्‍थी 1:7 - मध्‍य पुरविया थारू

⁷ तोरासबके बिसयमे हमरासबके आसा एकदमसे अटल छै। कथिलेकी हमरासबके थाहछै कि, तुसब हमरासबके जखा भोगल दुख भोगैचिही, तहिनङे हमरासबके भेटल सान्‍तबना जखा तुहुसब सान्‍तबना पाबबिही।

२ कोरन्‍थी 1:7 Referans Kwoze

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

२ तिमोथी 2:12

यदी हमसब ओकरसङे दुख भोग्‍बै त, हमरौरके ओकरेसङे राज करबै। हमसब ओकरा इन्‍कार करबै त, ओहो हमरौरके इन्‍कार करतै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

२ कोरन्‍थी 7:9

ओइ चिठीसे तोरासबके दुखित करल्‍कौ कैहके हम खुस नै चियै महज उ दुखसे तोरासबके पस्‍चाताप दिसन आ जिबन परिबरतन दिसन ल्‍याके गेलै कैहके हम खुस चियै। तुसब परमेस्‍वरके इक्‍छा सुइकार करलाके कारन दुख भेलौ, हमरासबके कारनसे तोरासबके कोनो हानी नै भेलौ।

२ कोरन्‍थी 1:14

अखैन तुसब हमरासबके बारेमे पुरा रुपसे नै बुझने चिही महज तुसब पुरा रुपसे बुझबिही कैहके आसा करैचियै। परभु येसु खिरिस्‍ट आबैबला दिनमे तुसब हमरासबके बारेमे गर्‌भ करबिही, जनङ हमसब तोरासबके बारेमे गर्‌भ करैचियै।

१ कोरन्‍थी 10:13

तोरासबके जिबनमे आबैबला सब परिक्‍छासब लोकसबके बिचमे आबैबला जखा हैछै। परमेस्‍वर बिस्‍बासयोग्‍य छै, जे तोरासबके सहे नै सकैबला परिक्‍छामे नै पारतौ। जब तु लोभमे परबिही परमेस्‍वर तोरा उ परिक्‍छासे बचैयोके लेल सहायता करतौ। तब तु सहैले सकबिही।

मतीके लिखल सुसमाचार 23:30

आ तुसब कहैचिही, ‘अदी हमसब पुरखासबसङे रहतियै त, अगमबक्‍ताके मुवाबैले ओकरासबके साथ नै देतियै।’

२ तिमोथी 3:11

हम एन्‍टिओखिया, आइकोनियन आ लुस्‍तरा सहरमे केहन-केहन दुख भोगे परलै, से बात तु निक जखा जानैचिही। महज परभु हमरा ओइ सब आफत-बिपतसबसे बचेल्‍कै।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।