२ कोरन्‍थी 1:19 - मध्‍य पुरविया थारू

¹⁹ कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

२ कोरन्‍थी 1:19 Referans Kwoze

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

परकास 1:17

ओकरा देखके हम मरल जखा भेलियै आ ओकर टाङमे खैस परलियै। तखन उ हमर मुरमे दहिना हाथ राखैत कहल्‍कै, “नै डेरा, सुरु आ अन्‍त हम्‍ही चियै।

२ युहन्‍ना 1:9

खिरिस्‍टके सिक्‍छासे बाहर जाइबला लोकसङे परमेस्‍वर नै रहैछै, महज ओकर सिक्‍छामे चलैबला लोकसङे परमेस्‍वर पिता आ बेटा दुनु रहैछै।

परकास 2:18

“थिआटिरा मन्‍डलीके देख-भाल करैबला दुतके यि लिख, ‘आइग जखा बरैबला आँख आ खाइरके चम्‍कैबला काँस जखा टाङ भेल परमेस्‍वरके बेटा अनङ कहल्‍कै,

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

परकास 1:8

सरबसक्‍तिमान परभु परमेस्‍वर कहैछै, “सुरु आ अन्‍त हम्‍ही चियै।” हम उहे चियै, जे छै, जे छेलै आ जे एतै।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

१ युहन्‍ना 1:3

हमसब जे देखने आ सुन्‍ने चियै, से हमसब तोरासबके सुनाबैचियौ जेकि तुहुसब हमरासबसङे सङगती करेसकी। अपनासबके सङगती त पिता आ ओकर बेटा येसु खिरिस्‍टसङे छै।

२ पतरुस 1:17

जब उ परमेस्‍वर पितासे आदर आ महिमा पाबल्‍कै, तब परमेस्‍वर महा महिमासे एहैन आबाज एलै, “यि हमर दुलरुवा बेटा चियै, जकरसे हम बहुत खुसी चियै।”

हिबरु 1:11

अहाँके बन्‍याल उ सब चिज पछा नास भ्‍याके चैलजेतै महज अहाँ त सबदिन रहबे करबै। उ सब चिज बस्‍तर जखा पुरान भ्‍याजेतै।

परेरित 15:22

तकरबाद परेरितसब आ मन्‍डलीके अगुवासब मन्‍डलीके पुरा लोकसबसङे मिलके दुइ गोराके छानल्‍कै। उसब ओइ दुनुगोराके बरनाबास आ पावलके सङ लग्‍याके एन्‍टिओखिया पठाइले उचित ठानल्‍कै। उ चुनलहा बरनाबास कहाइबला यहुदा आ सिलास रहै। उ दुनुगोरा परभुमे बिस्‍बास करैबलासबके अगुवा रहै।

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 19:7

यहुदी अगुवासब ओकरा जबाफ देल्‍कै, “हमरासबके बेबस्‍थाके नियम अनुसार अकरा मिरतुदन्‍ड दैलेपरतै कथिलेत यि आपनके हम परमेस्‍वरके बेटा चियौ कैहके दाबी करैछै।”

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

युहन्‍ना 6:69

अहाँ परमेस्‍वरके पठ्‍याल पबितर लोक चियै से बातमे हमसब बिस्‍बास करैचियै आ जानैचियै।”

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 1:34

हम यि सब देख्‍ने चियै आ गबाही दैचियै कि, ओह्‍या परमेस्‍वरके बेटा चियै।”

लुका 1:35

स्‍वरगदुत ओकरा जबाफ देल्‍कै, “पबितर आत्‍मा तोहर उपरमे एतौ आ महान परमेस्‍वरके सक्‍तिके छाह तोहरमे परतौ। तैल्‍याके जल्‍मैबला बच्‍चा पबितर हेतै आ उ परमेस्‍वरके बेटा कहाइतै।

मरकुस 1:1

परमेस्‍वरके बेटा येसु खिरिस्‍टके सुसमाचार अनङके सुरु हैछै।

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

मतीके लिखल सुसमाचार 27:40

आ कहल्‍कै, “आरौ बा! तु मन्‍दिरके तोरैबला आ तिने दिनमे ओइके बनाइबला, आब कुरूससे निचा उतैरके या त आ आपने आपके बचा त।”

मतीके लिखल सुसमाचार 24:35

स्‍वरग आ पिरथिबी बित जेतै, महज हमर बचन रहबे करतै।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

१ थेसलोनिकी 1:1

हम पावल, सिलास आ तिमोथीयोके तरफसे परमेस्‍वर पिता आ परभु येसु खिरिस्‍टमे यि चिठी लिखैचियौ। परमेस्‍वर थेसलोनिकीके मन्‍डलीसबके अनुगरह आ सान्‍ती देबे।

२ थेसलोनिकी 1:1

हम पावल, सिलास आ तिमोथीके तरफे परमेस्‍वर पिता आ परभु येसु खिरिस्‍टमे यि चिठी लिखैचियौ।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।