२ कोरन्‍थी 1:14 - मध्‍य पुरविया थारू

¹⁴ अखैन तुसब हमरासबके बारेमे पुरा रुपसे नै बुझने चिही महज तुसब पुरा रुपसे बुझबिही कैहके आसा करैचियै। परभु येसु खिरिस्‍ट आबैबला दिनमे तुसब हमरासबके बारेमे गर्‌भ करबिही, जनङ हमसब तोरासबके बारेमे गर्‌भ करैचियै।

२ कोरन्‍थी 1:14 Referans Kwoze

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

१ कोरन्‍थी 1:8

अपनासबके परभु येसु खिरिस्‍ट आबैबला दिनमे तुसब निरदोस रह कैहके उ तोरासबके आखिरतक बौकार बनाइतौ।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

फिलिप्‍पी 1:6

हमरा पुरा बिस्‍बास छै कि, परमेस्‍वर तोरासबमे एकटा असल काम सुरु करल्‍कौ, वह्‍या येसु खिरिस्‍ट आबैबला दिनमे उ काम पुरा करतै।

२ कोरन्‍थी 5:12

हमसब फेनसे आपनेके तोरासबके अगा बराइ नै करैचियौ, बरु तोरासबके हमरासबमे गर्‌भ करैके मौका दैचियौ, ताकि तुसब ओकरासबके जबाफ दैले सक, जे लोक हिरदयके बातमे नै महज बाहरके बातमे घमन्‍ड करैछै।

२ कोरन्‍थी 2:5

कोइ ककरो चित दुखाइनेछै त उ कामसे हमरा नै महज कुछ हदतक तोरेसबके चित दुखाइनेछौ। हम यि बात अहैलेल कहैचियौ कि तोरासब उपर कठोर नै बनी।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

१ कोरन्‍थी 15:31

हे हमर भाइ-भैयासब, तोरासबके कारन परभु येसु खिरिस्‍टमे हम गर्‌भसे यि कहैले सकैचियौ, कि हम दिन-दिने मिरतुके खतरामे परैचियै।

१ कोरन्‍थी 11:18

पहिल्‍का बात यि चियै कि जब तुसब मन्‍डलीमे एकसाथ भेला हैचिही, तोरासबके बिचमे बेमेल हैछौ कैहके हम सुन्‍ने चियौ। तै बातमे हम कुछ बिस्‍बासो करैचियौ।

फिलिप्‍पी 1:26

ताकी हम फेनसे तोरासबलग एबौ त हमर खातिर तोरासबके येसु खिरिस्‍टमे गर्‌भ करैबला परसस्‍त कारन हेबे।

२ कोरन्‍थी 9:2

कथिलेत तुसब सहायता करैके लेल एकदमसे तयार चिही से हम जानैचियै। हम तोरासबके बारेमे माकेडोनिया परदेसके लोकसबके गर्‌भ कैरके कहलियै कि पौरकेसे तु अखैया परदेसमे भेल लोकसब भेटी दैकेलेल तयार चिही। तुसब उत्‍साहित भेलाके कारन उसब सेहो औरो बेसि उत्‍साहित भेलछै।