२ कोरन्‍थी 1:10 - मध्‍य पुरविया थारू

¹⁰ उ अपनासबके मिरतुके मुहसे बचेल्‍कै आ बचेतै आ ओकरमे फेनसे हमसब बाच्‍बै कैहके पुरा रुपसे भरोसा करनेचियै।

२ कोरन्‍थी 1:10 Referans Kwoze

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

२ पतरुस 2:9

ओहिनङ परभु धरमी लोकसबके संकटसे बचाबैले आ अधरमी लोकसबके दन्‍ड दैले नियायके दिन तलिक राखैले जानैछै।

रोमी 15:31

हम यहुदिया परदेसमे भेल परमेस्‍वरमे बिस्‍बास नै करल लोकसबसे बचैले सकि आ जे रुपैया-पैसा पुगाबैले हम यरुसलेम ज्‍यारहल चियै तकरा ओइ ठाममे परमेस्‍वरके पबितर जनसब खुसीसे सुइकार करैले सके कैहके परथना कैरदिहे।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

परेरित 26:21

तहिलेल यहुदीसब हमरा मन्‍दिरमे पकैरके मारैले कोसिस करल्‍कै।

२ कोरन्‍थी 1:9

हमरासब त आब मैर जेबै जखा लागल छेलै। हमसब आपनेमे भरोसा राखैके लेल नै, महज मरलहासबके जियाइबला परमेस्‍वरमे भरोसा करे सकि कैहके यि हैले एलै।

२ कोरन्‍थी 6:9

हमरासबके निकसे चिन्‍हीयोके अनचिन्‍हार जखा करैछै। मरे लागल चियै तैयो जियल चियै। सजाय पाबनेचियै तैयो मारलगेल नै चियै।