१ तिमोथी 6:6 - मध्‍य पुरविया थारू

⁶ बास्‍तबिक्‍ता त यि चियै कि सन्‍तोस कैरके परमेस्‍वरके भक्‍ति करनाइ सबसे बरका धन चियै।

१ तिमोथी 6:6 Referans Kwoze

हिबरु 13:5

तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

१ तिमोथी 6:8

ओहेन चियै त अपनासबके खाइले पिन्‍हैले भ्‍यागेलै त, ओहैमे सन्‍तोस करे परतै।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

फिलिप्‍पी 1:21

कथिलेकी हमर जिबन जियैके मतलब खिरिस्‍टके लेल जिनाइ चियै महज मरनाइ हमर लेल लाभ चियै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

लुका 3:14

सिपाहीयोसब पुछल्‍कै, “हमरासबके कथी करेपरतै?” युहन्‍ना ओकरासबके कहल्‍कै, “तुसब ककरोसे जबरजस्‍ती कैरके आ झुठा आरोप लग्‍याके एको टका बेसी नै उठा। बरु आपने कमाइमे सन्‍तुस्‍ट रहैजाइजो।”

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

लुका 12:15

तब येसु भिरमे भेल्‍हा सब लोकसबसे कहल्‍कै, “सब परकारके लोभ लालच करैसे होसियार रह, कथिलेत लोकके जिन्‍गी ओकर धने सम्‍पैतमे अरल नै रहैछै।”