१ तिमोथी 6:5 - मध्‍य पुरविया थारू

⁵ एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

१ तिमोथी 6:5 Referans Kwoze

२ तिमोथी 3:5

उसब भक्‍ती करैबला रुप धारन त करैछै महज भक्‍तीके भितरी सक्‍तीके सुइकार नै करैछै। एहेन लोकसबसे दुरे रह।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

२ तिमोथी 3:8

जनङ यान्‍नेस आ याम्‍बरेस मोसाके बिरोध करने रहै, तैहनङ यि लोकसब सत्‍यताके बिरोध करैछै। अकरौरके बुइध भरस्‍ट भ्‍यागेल्‍छै आ बिस्‍बास हराएल छै।

१ तिमोथी 6:6

बास्‍तबिक्‍ता त यि चियै कि सन्‍तोस कैरके परमेस्‍वरके भक्‍ति करनाइ सबसे बरका धन चियै।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

मतीके लिखल सुसमाचार 12:33

“कोनोभी असल गाछमे असले फल फरैछै आ खराब गाछमे खराबे फल फरैछै। कथिलेत गाछ ओइके फरसे चिन्‍हल जाइछै।

१ तिमोथी 1:6

महज कतहेक गोरा त यि बातके छोइरके बेरथके बातसबमे ओझराल छै।

परकास 18:3

कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

१ तिमोथी 3:8

तहिनङे मन्‍डलीमे सेबा करैबला डिकन निक चालचलनके लोक हैकेचाही। उसब साँच-साँच बोलैबला, दाख मध नै पियैबला आ पैसा-कौरीके लोभ-लालच नै करैबला हैकेचाही।

२ थेसलोनिकी 3:6

भाइसब, अपनासबके परभु येसु खिरिस्‍टके नाउमे हमसब तोरासबके यि आग्‍या करैचियौ कि, जे बिस्‍बासी लोकसब हमरासबके देल सिक्‍छा अनुसार नै चलैछै आ कोढिया छै ओकरासबके सङहतसे दुरे रह।

मतीके लिखल सुसमाचार 21:13

तब येसु उसबके कहल्‍कै “पबितर धरमसास्‍तरमे एहेन लिखल छै, ‘हमर घर परथनाके घर कहाइतै।’ महज तुसब त अकरा डाकुसबके अड्‍डा बनाइने चिही।”

परकास 18:13

ओकरासबके दालचिनी, मसला, महग अतर, गमकौवा धुप, उजर धुप, मध, जैतुनके तेल, मैदा आ गहुम, गाइ-भैसिसब, भेंरासब, घोरासब, रथसब, कमारा-कमारीसब किछो नै किन्‍तौ।

१ कोरन्‍थी 11:16

यदि कोइ अकर बारेमे बिबाद करैले चाहैछै त, हमरासबसङे यि बाहेक कोनो चलन नै छै, नै त परमेस्‍वरके मन्‍डलीसबमे छै।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।