१ तिमोथी 6:2 - मध्‍य पुरविया थारू

² बिस्‍बासी भाइ-भैयासब त चियै कैहके दाससब आपन बिस्‍बासी मालिकके कम आदर नै करौक, बरु उसब औरो निकसे मालिकके सेबा करेपरतै, कथिलेकी सेबासे लाभ पाबैबला मालिकसब ओकरासबके आपने पिरिय बिस्‍बासी भाइ-भैयासब चियै। तु यि बातसब मन्‍डलीमे बिस्‍बासीसबके सिखा आ पालन करैके लेल उत्‍साह दहै।

१ तिमोथी 6:2 Referans Kwoze

कलस्‍सी 4:1

हे मालिकसब, तोरोसबके स्‍वरगमे एक गोरे मालिक छौ से बात जाइनके आपन दास सबसङे पक्‍छपात नै कैरके असल बेबहार कर।

१ तिमोथी 4:11

तु आपन सिक्‍छासबमे यि बातसब सिखा आ पालन करैले अरहा।

यहुदा 1:8

ओहिनङे तोरासबके बिचमे सामेल भेल्‍हासब ओहिनाइतेछै। उसब आपन सपनाके पछा लाइगके आपन देहके असुध बनाइछै, परमेस्‍वरके अधिकारके इन्‍कार करैछै, स्‍वरगके परानिसबके अपमान करैछै।

२ पतरुस 2:10

खास कैरके, एहेन लोकसब जे असुध करैबला कामबासनामे डुबलरहैछै आ परमेस्‍वरके अधिकारके अपहेलना करैछै। ओहेन झुठा गुरुसब ढिठ आ घमन्‍डी हैछै आ स्‍वरगिय परानिसबके निन्‍दा करैले नै डराइछै।

१ पतरुस 5:1

हम एकटा मन्‍डलीके एल्‍डर चियै आ खिरिस्‍टके भोगल दुख-कस्‍टके आपनेसे देख्‍ने चियै आ पछा आबैबला महिमामे सहभागी हेबै। ओहैसे हम तोरासबके बिचमे भेल एल्‍डरसबके बिन्‍ती करैचियौ।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।

तितस 2:1

महज तितस तु असल सिक्‍छा सङे मिलैबला बातसब मातरे सिखाबिहे।

१ तिमोथी 5:1

अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

कलस्‍सी 1:4

कथिलेत हमसब परभु येसु खिरिस्‍टमे तोरासबके बिस्‍बास आ ओकर सब पबितर लोकसबके करल तोहर परेमके बारेमे सुन्‍नेचियौ।

कलस्‍सी 1:2

कलस्‍से सहरमे रहैबला खिरिस्‍टमे भेल पबितर जनसब आ बिस्‍बासी भाइ-भैयासबके यि चिठी लिखैचियौ। अपनासबके परमेस्‍वर पिता तोरासबके अनुगरह आ सान्‍ती देबे।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

एफिसी 1:15

अहैकारनसे परभु येसुमे करल बिस्‍बास आ खिरिस्‍टके पबितर जनसबमे तोरासबके परेम सुइनके,

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मतीके लिखल सुसमाचार 23:8

“तोरासबके कोइ गुरु नै कहौक कथिलेत तुसब त भाइ-भाइभैयारीसब चिही। तोरासबके एकेटा मातरे गुरु छौ।

मतीके लिखल सुसमाचार 6:24

“दुइटा मालिकके सेबा कोइ नै करे सकैछै। कथिलेत उ एकटाके घिरना करतै आ दोसरसे परेम करतै। उ एकटाके मान-दान करतै आ दोसरके खराब समझतै। तुसब परमेस्‍वर आ धन दुनुके सेबा करे नै सकबिही।

परेरित 1:15

ओइ दिनमे करिब एकसय बिस गोरा बिस्‍बासीसब एक ठाम जम्‍मा भेल छेलै तब पतरुस उसबके बिचमे ठडा भ्‍याके कहल्‍कै,