१ तिमोथी 6:17 - मध्‍य पुरविया थारू

¹⁷ अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

१ तिमोथी 6:17 Referans Kwoze

परेरित 14:17

तैयो उ आपन भलाइके असल कामसब दुवारा लोकसबके आपन बारेमे गबाही दैत रहलै। कथिलेत उ अकाससे पानी बरसाइछै आ ठिक समय पिरथिबीमे उब्जा दैछै। अहाँसबके भोजन जुटाबैछै आ अहाँसबके मन आनन्‍दित करैछै।”

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

मतीके लिखल सुसमाचार 19:23

तब येसु आपन चेलासबके कहल्‍कै, “साँचेके हम तोरासबके कहैचियौ, धनिक लोकके स्‍वरगके राजमे आबैले एकदमे कठिन हैछै।

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

लुका 19:2

ओइ सहरमे जक्‍कैया नामके एकटा लोक रहै। उ बटी उठाइबलाके परमुख छेलै आ धनिक छेलै।

रोमी 11:20

यि बात सत चियै कि, इजराएलीसब बिस्‍बास नै करलासे ठाइर जखा काइटके फेकल रहै। तुसब बिस्‍बास करलासे कलमी बान्‍हल गेलचिही। ओहैसे घमन्‍ड नै कर बरु परमेस्‍वरके डर मान।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ थेसलोनिकी 1:9

कथिलेकी जब हमसब तोरासबलग एलियौ त तुसब कनङके हमरासबके स्‍वागत कैल्‍ही आ जिबित आ सत परमेस्‍वरके सेबा करैके लेल कनङके मुरतिपुजा करैले छोइरदेल्‍ही से बात त लोकसब आपने कहैछै।

एफिसी 5:5

तोरासबके यि बात जानैये परतौ, कि बेबिचार करैबला, अपबितर आ लोभ करैबला लोकके (जे मुरतिपुजा चियै) खिरिस्‍ट आ परमेस्‍वरके राजमे कोनो हक नै छै।

परेरित 17:25

ओकरा लोकके कोनो चरहौवा चिजके जरुरत नै परैछै, महज ओह्‍या लोकसबके जिबन, परान आ सब चिज दैछै।

परेरित 14:27

बरनाबास आ पावल एन्‍टिओखियामे पुग्‍लै तब ओते मन्‍डलीके सब बिस्‍बासीके बोलाइल्‍कै। तब ओइसबके सुनाइल्‍कै जे परमेस्‍वर ओकरासबसङे केहन-केहन काम करल्‍कै आ कनङके उ गैर-यहुदीसबके खातिर बिस्‍बासके केबार खोइलदेल्‍कै।

मरकुस 10:24

यि बात सुइनके चेलासब आस्‍चरजमे परलै महज उसबके येसु फेनो कहल्‍कै, “हे बालकसब! परमेस्‍वरके राजमे आबैले कतेक कठिनछै!

मतीके लिखल सुसमाचार 27:57

साँझ परलाके बाद अरिमाथिया सहरके योसेफ नामके एक गोरे धनिक लोक एलै। ओहो येसुके चेला छेलै।

मतीके लिखल सुसमाचार 6:32

कथिलेत गैर-यहुदीसब यि सबचिज ताकैछै, महज तोरासबके पिता जे स्‍वरगमे रहैछै, उ तोरासबके यि सब चिज चाही से जानैछै।

तितस 3:6

परमेस्‍वर पबितर आत्‍माके मुक्‍तीदैबला येसु खिरिस्‍टसे परसस्‍त कैरके अपनासबमे राइख देल्‍कै।

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

१ तिमोथी 3:15

यदी हमरा आबैमे देर हेतै त, परमेस्‍वरके परिबारमे भेल लोकसबके चाल-चलन केहेन रहैके चाही से जाइनले। यि परिबार त जिबित परमेस्‍वरके मन्‍डली अरथात सतके खम्‍हा आ जग चियै।

मतीके लिखल सुसमाचार 12:32

आ जे मानबके बेटाके बिरोधमे नै निक बोल्‍तै त ओकर पाप छमा हेतै, महज जे पबितर आत्‍माके बिरोधमे नै निक बोल्‍तै त, ओकरा नै अइ युगमे नै आबैबला युगमे छमा हेतै।”

लुका 3:11

युहन्‍ना ओकरासबके जबाफ देल्‍कै, “जकरसङे दुइटा जमा छौ, से कोइ नै भेल्‍हाके एकटा दयादेतै, जकरसङे खाइबला चिज छौ से कोइ नै भेल्‍हा सङे बाइटके खेतै।”

१ तिमोथी 6:9

महज धनिक हैले चाहैबला परिक्‍छामे परैछै। उ बेरथ आ खराब इक्‍छासबमे फैस जाइछै। ओहे खराब इक्‍छा ओकरा दुख आ बिनासमे लजाइछै।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

मतीके लिखल सुसमाचार 25:16

पाँचटा सोनाके डलर पाबैबला नोकर तुरन्‍त बेपारमे लगाइल्‍कै आ ओहैसे पाँचटा औरो सोनाके डलर कमाइल्‍कै।