१ तिमोथी 6:13 - मध्‍य पुरविया थारू

¹³ सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

१ तिमोथी 6:13 Referans Kwoze

मतीके लिखल सुसमाचार 27:11

जब येसु बडा हाकिमके अगा ठार भेलै, तब बडा हाकिम ओकरा पुछल्‍कै, “कि तु यहुदीसबके रजा चिही?” येसु ओकरा जबाफ देल्‍कै, “अहाँ अपने कैहरहल चियै त।”

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

परकास 22:1

तकरबाद स्‍वरगदुत हमरा इस्‍फटिक जखा चमकदार जिबनके पानीके लदी देखल्‍कै। उ लदी परमेस्‍वर आ थुमाके सिंहासनसे निकैलके,

परकास 21:6

उ हमरा कहल्‍कै, “आब सबकाम पुरा भ्‍यागेलै! अल्‍फा आ ओमेगा, सुरु आ अन्‍त हम्‍ही चियै। जकरा-जकरा पियास लागल छै, हम ओइसबके मङनिएमे जिबनके पानीके भबसे पियैले देबै।

१ तिमोथी 6:12

बिस्‍बासके उतम लराइ लर। अनन्‍त जिबनके पकरने रह, कथिलेकी यह्‍या जिबनके लेल परमेस्‍वर तोरा बोलेल्‍कौ आ अहैके लेल तु बहुतो गोराके अगा आपन असल साक्‍छी देने चिही।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।

परेरित 17:25

ओकरा लोकके कोनो चरहौवा चिजके जरुरत नै परैछै, महज ओह्‍या लोकसबके जिबन, परान आ सब चिज दैछै।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 5:26

कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

मतीके लिखल सुसमाचार 27:2

तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

२ कोरन्‍थी 9:13

तुसब खिरिस्‍टके सुसमाचारमे बिस्‍बास कैरके आग्‍याकारी भेल बात आ तोरासबके खुल्‍ला हिरदयसे देल दानसे परमेस्‍वरके महिमा हेतै। यि सेबाके कामसे तुसब केहेन चिही कैहके लोकसबके परमानित हेतौ।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।