१ तिमोथी 5:22 - मध्‍य पुरविया थारू

²² तु मन्‍डलीमे अगुवा नियुक्‍त करैके लेल झट-पट ककरो उपर हाथ राखैबला काम नै कर। आनगोराके पापमे सहभागी नै हो। तु अपने-आपके पबितर राख।

१ तिमोथी 5:22 Referans Kwoze

एफिसी 5:11

अन्‍हारमे काम नै लागैबला कामसबमे सहभागी नै हो। बरु उ काम खराब छै कैहके देख्‍यादहै।

१ तिमोथी 3:10

पहिने ओइसबके जाँच हैलेपरतै। यदि ठिक ठहरतै त, उसब डिकन रैहके सेबा करे सक्‍तै।

१ तिमोथी 3:6

अगुवा भरखरके बिस्‍बासी नै हैकेचाही। नै त अनङ नै हेबे कि उ घमन्‍डसे फुइलके सैतान जखा दन्‍डके भागिदार हेबे।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

परेरित 6:6

तकरबाद उसब ओइलोकसबके परेरितसबके सामने आनल्‍कै आ परेरितसब ओकरासबके उपर आपन-आपन हाथ राइखके परथना करल्‍कै।

२ युहन्‍ना 1:11

कथिलेकी जे कोइ ओकरा गोरलगी करैछै, उ लोक ओकर दुस्‍ट काममे सहभागी हैछै।

२ तिमोथी 1:6

तै खातिर हम तोरा याद कराइले चाहैचियौ कि, हम तोहर उपर हाथ राखै बखत जे बरदान परमेस्‍वर तोरा देने छेलौ, तकर पुरा सदउपयोग कर।

हिबरु 6:2

बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

परेरित 13:3

तब उपासे रैहके आ परथना कैरके उसब ओकरौरके उपर हाथ राइखके परथना कैरके पठादेल्‍कै।

परकास 18:4

स्‍वरगसे एकटा दोसर अबाज एहेन कहैत हम सुनलियै, “हे हमर लोकसब, ओतेसे निकैलके या। नै त तुहुसब महानगरीके पापसबमे सहभागी हेब्‍ही आ ओकर बिपतसब तुहुसब भोगबिही।

परेरित 20:26

तै खातिर आइ हम तोरासबके गबाही दैचियौ कि, यदी तोरासबमेसे कोइगोरे नास हेबे त तकर दोसी हम नै हेबौ।

परेरित 18:6

महज यि बात सुइनके उसब पावलके बिरोध आ अपमान करे लाग्‍लै, तखुन्‍ते पावल ओइसबके चेताबनीके खातिर आपन बस्‍तरसे गरदा झारैत कहल्‍कै, “यदी तोरासबमेसे कोइ नास हेब्‍ही त आपने दोसके कारन नास हेब्‍ही तकर दोसी हम नै हेबौ। आबसे हम दोसरे जातीसबके बिच सुसमाचार सुनाइले जाइचियौ।”

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।