१ तिमोथी 5:21 - मध्‍य पुरविया थारू

²¹ हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

१ तिमोथी 5:21 Referans Kwoze

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

१ थेसलोनिकी 5:27

यि चिठी पैर्‌हके सब बिस्‍बासीके सुनादहै कैहके हम तोरासबके परभुके नाउमे आग्‍या करैचियौ।

लुका 20:21

तब उसब येसुके फसाइले पुछल्‍कै, “गुरु जी, हमसब जानैचियै, अहाँ सहि बात बोलैचियै, असल बात सिखाइचियै आ ककरो पक्‍छपात नै करैचियै, महज अहाँ त सत्‍यतासे परमेस्‍वरके रस्‍ता देखाइचियै।

मतीके लिखल सुसमाचार 28:20

हम तोरासबके आग्‍या करल सब बात मानैले ओकरासबके सिखा। देख, हम युगके अन्‍ततक सबदिन तोरासबके सङे चियौ।”

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

लुका 9:26

महज जे हमरसे आ हमर बचनसे लाज मान्‍तै त मानबके बेटा आपन महिमामे आ परमेस्‍वर पिताके आ पबितर दुतगनके महिमामे आबैखिना ओकरसे लाज मान्‍तै।