१ तिमोथी 5:17 - मध्‍य पुरविया थारू

¹⁷ असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

१ तिमोथी 5:17 Referans Kwoze

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

गलाती 6:6

बचनके सिक्‍छा पाबैबला सबकोइ आपन सब असल चिजसब बचन सिखाइबलासङे बाँटचुट करे।

लुका 10:7

तुसब घर-घर नै घुम। एके घरमे रह, जे चिज तोरासबके खाइले देतौ ओह्‍या खो आ पि। कथिलेत काम करैबला आपन बैनके योग्‍यके हैछै।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

२ तिमोथी 2:6

जे गिरहत घाम-पसिना चुबाके मेहनत करैछै, उबजल बालीके पहिन्‍का हिस्‍सा ओकरे मिलैके चाही।

फिलिप्‍पी 2:29

परभुमे ओकरा भाइ समैझके खुसिसाथ स्‍वागत कर आ एहेन लोकसबके आदर करैले परैछै।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

परेरित 28:10

उ सब बहौत तरहसे हमरासबके सेबा सत्‍कार करल्‍कै आ जब जहाद चरहे लागलियै तब उसब हमरासबके जरुरत परैबला सरसमानसब आइनके जहादमे राइख देल्‍कै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

रोमी 16:12

परभुके लेल एकदमसे मेहनत करैबाली बहिनसब तुरुफेना आ तरोफोसाके हमर गोरलगी सुन्‍यादहै। हमर पिरिय बहिन परसीसके सेहो गोरलगी सुन्‍यादहै कथिलेत उ परभुके काम करा मेहनतसे करैछै।

रोमी 15:27

उसब यि रुपैया-पैसा राजिखुसीसे जम्‍मा करने छै। बास्‍तममे यरुसलेमके गरिबसब बिस्‍बासीसबके मदत करैले उसब रिनी छेलै, कथिलेत गैर-यहुदीसब यहुदीसबसे आत्‍मिक आसिस पाबने छेलै। ओहैसे गैर-यहुदीयोसब ओइसबके अभाबमे परल बखत सहायता करनाइ उचित चियै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

१ कोरन्‍थी 16:16

तुसब एहेन लोकसबके आ ओइसबसङे सेबा आ मेहनत करैबलासबके अधिनमे रह कैहके आगरह करैचियौ।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

१ तिमोथी 4:16

तु आपन जिबन आ आपन देल सिक्‍छाके बारेमे होसियार रह। यि सब करलासे तु आपन जिबन आ तोहर सिक्‍छा सुनैबलासबके जिबन बचेब्‍ही।

१ तिमोथी 3:5

कथिलेत आपन घर परिबार असलसे नै चलाबे सकैबला कनङके मन्‍डलीके देखभाल करे सक्‍तै?

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

मतीके लिखल सुसमाचार 24:25

“देख, यि बात हम तोरासबके पहिनेसे कैहदेने चियौ।

हिबरु 13:24

मन्‍डलीके सब अगुवा आ सब परभुके जनसबके हमरासबके तरफसे गोरलगी सुनादहै। इटालिया देसमे भेल्‍हा भाइसब तोरासबके सेहो गोरलगी पठाइनेछौ।

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

परेरित 20:35

हम आपन सबकाम तोरासबके कैरके देखा देलियौ कि, तुहुसब अहिनङे मेहनत कैरके कमजोरसबके मदत कर आ परभु येसुके कहल बचन याद कर जे उ आपनेसे कहनेछै, ‘लेनाइ से देनाइ मे आसिस छै।’”

युहन्‍ना 4:38

हम तोरासबके काटैले पठाइने चियौ, जे तुसब नै रोपनेचिही। औरो कोइ मेहतन करल्‍कै आ ओकरासबके करलहा मेहनतसे तोरासबके फैदा भेलछौ।”

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

१ तिमोथी 5:3

जे मसोमातनीके कोइ नै छै, ओकरासबके देखभाल कर।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

१ तिमोथी 5:19

अगुवा उपर लागल दोसमे दुइ-तिन गोराके साक्‍छीके परमान बिना ओकर बात सुन्‍बे नै कर।