१ तिमोथी 5:11 - मध्‍य पुरविया थारू

¹¹ महज जबान उमरके मसोमातनीसबके नाम मसोमात सुचिमे नै लिख, कथिलेकी जब ओइसबके सारिरीक इक्‍छाके कारनसे खिरिस्‍टसे दुर ल्‍याजेतै, तै दुवारे उसब बियाह करैले ताक्‍तै।

१ तिमोथी 5:11 Referans Kwoze

१ तिमोथी 5:14

अहैलेल हम जबान मसोमातनीसबके फेनसे बियाह कैरके बेटा-बेटी जलमाबे आ घर गिरहस्‍ती चलाबे कैहके सल्‍लाह दैचियै। ओहेन करलासे डाह करैबलासबके निन्‍दा करैके मौका नै भेटतै।

याकुब 5:5

तुसब पिरथिबीमे बहौत भोग-बिलासके जिन्‍गी बिताइने चिही आ भोग हैबला दिनके खातिर आपन देह पाइलके राखनेचिही।

परकास 18:7

उ जतहेक मान-सम्‍मान आ भोग-बिलास करने छै, ओतबेहेक ओकरा दुख आ सोक दहै। कथिलेत उ मनमने कहैछै, ‘हम त महरानी चियै, हम बिधुवा नै चियै, हमरा कहियो सोक करैले नै परतै।’

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

१ तिमोथी 5:9

साइठ बरिस पुगल आ घरबला परती बिस्‍बास योग्‍य रहल घरबालीके मातरे मन्‍डलीसे सहायता पाबैबलाके सुचिमे नाम लिख।

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

१ तिमोथी 5:12

अहै तरहसे उसब पैहने खिरिस्‍टमे करल आपन परतिग्‍या भङ कैरके दोसी ठहरतै।

परकास 18:3

कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

परकास 18:9

ओकरसे बेबिचार करैबला आ सुख-बिलास करैबला सन्‍सारके रजासब जब उ जरैत सहरके धुवाँ देखतै तब ओकरलेल कान्‍तै आ सोक करतै।