१ तिमोथी 4:4 - मध्‍य पुरविया थारू

⁴ परमेस्‍वरके सिरिस्‍टी करल सब चिज एकदम असल छै। अपनासब परमेस्‍वरके धन्‍यबाद द्‍याके लैचियै त इन्‍कार करैबला कोनो चिज नै छै।

१ तिमोथी 4:4 Referans Kwoze

रोमी 14:20

खाइबला चिजके कारन परमेस्‍वरके कामके नास नै कर। सब चिज खाइले हैछै महज औरो लोकके बाधा हैबला हिसाबसे खेनाइ खराब चियै।

१ कोरन्‍थी 10:25

मासुके दोकानमे कथी बेचैछै, बिबेकके खातिर कोनो सबाल नै कैरके खो।

रोमी 14:14

परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

१ कोरन्‍थी 10:23

तोरासबमेसे कोइ-कोइ कहैचिही, “सब चिज करैले पाबैछै” महज सब चिजसे भलाइ नै हैछै। दोसर सब कहैछै, “सब चिज करैले पाबैछै” महज सब चिजसे फैदा नै हैछै।

परेरित 21:25

गैर-यहुदीसब जे येसु खिरिस्‍टमे बिस्‍बास करने छै, उसब मुरतिके चरह्‍याल चिज, लहु, घेच दाइबके मारल पसुके मौस नै खाइले आ अनैतिक देहके समबन्‍धमे अलग रहैले परतै कैहके हमसब आपन निरनय लिखके पठादेने चियै।”

१ तिमोथी 4:3

उसब बियाह नै कर कैहके लोकसबके कहैछै आ बहुतो एहेन खाइबला चिजसब खाइले नै मिलैछै कैहके सिखाइछै। महज सत बात जानैबला बिस्‍बासी लोक धन्‍यबाद द्‍याके परमेस्‍वरके सिरिस्‍टी करल सब चिज खाइले सकैछै।

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

परेरित 10:15

ओहिनङे अबाज फेनो उ दोसर बेर सुनल्‍कै, “जै चिजके परमेस्‍वर सुध करने छै ओकरा तु असुध नै कहै।”

रोमी 14:6

जे लोक एकटा दिनके बिसेस रुपसे मानैछै, उ लोक परभुके आदरके लेल पालन करैछै। तहिनङे जे लोक मासु लगाएत सब चिज खाइछै उ लोक परमेस्‍वरके आदरके लेल खाइछै आ परमेस्‍वरके धन्‍यबाद दैछै। जे लोक सागपात मातरे खाइछै उ लोक परमेस्‍वरके आदरके लेल खाइछै आ उहो परमेस्‍वरके धन्‍यबाद दैछै।

१ कोरन्‍थी 10:26

कथिलेत पबितर धरमसास्‍तरमे लिखलछै, “पिरथिबी आ अइमे भेल सब चिज परमपरभुवेके चियै।”

१ कोरन्‍थी 10:30

यदि हम परमेस्‍वरके धन्‍यबाद द्‍याके खाइचियै त, धन्‍यबाद द्‍याके ख्‍याल भोजनके लेल कथिले हमरा दोसर लोक दोस लगाइतै?”