१ तिमोथी 4:16 - मध्‍य पुरविया थारू

¹⁶ तु आपन जिबन आ आपन देल सिक्‍छाके बारेमे होसियार रह। यि सब करलासे तु आपन जिबन आ तोहर सिक्‍छा सुनैबलासबके जिबन बचेब्‍ही।

१ तिमोथी 4:16 Referans Kwoze

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

२ तिमोथी 3:14

महज तु अपनेसे सिखल आ पुरे मनसे बिस्‍बास करल सिक्‍छामे लागल रह। यि ककरसे सिखनेचिही से बात तु जानैचिही।

लुका 21:34

“तुसब आपनमे होसियार रह, बेसी भोज-भतेरके पछा नै जो, मतबालीपना आ जिन्‍गीके बारेमे चिन्‍ता करैसे होसियार रह, नै त उ दिन नै सोचलहा बखतमे चैलएतौ।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

१ कोरन्‍थी 9:27

हम आपन देहके बसमे राखैके लेल तालिम द्‍याके खेलारी जखा अनुसासनमे राखैचियै। नै त औरोके परचार करलाके बाद हम आपने अयोग्‍य ठहरबै।

परेरित 6:4

तब अपनासबके परथना आ परमेस्‍वरके बचनके सिक्‍छा दैबला काममे पुरा समय लागल रहबै।”

मरकुस 13:9

“आपन बारेमे तुसब होसियार रह! कथिलेत उसब तोरासबके अड्‍डा खनामे लजेतौ, यहुदी सभाघरसबमे लज्‍याके पिटतौ। हमर नामके खातिर तोरासबके सासकसब आ रजासबके अगामे हमर गबाही दैले खरा हेब्‍ही।

याकुब 5:20

उ लोक जाने कि, एक गोरा पापीके ओकर गलत बाटसे घुमाके लाबैछै त, ओकरा मिरतुके मुहसे बचाइतै आ बहौत पाप छमा पाबैके लेल सहायता करतै।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।

कलस्‍सी 4:17

“परभुके जिमा देल काम पुरा कर” कैहके अरखिपसके कैहदहै।

१ कोरन्‍थी 9:22

हम कमजोर लोकसबके बिचमे काम करैबखत उसब खिरिस्‍टमे बिस्‍बास करे कैहके हम्‍हु कमजोर भेलियै। हम सबके लेल सबकुछ बैन गेलियै ताकि हरतरहसे लोकसबके खिरिस्‍टमे बचाबैले सकी।

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

परेरित 26:22

महज आइके दिनतक हम परमेस्‍वरसे सहायता पाइबिये रहलचियै। अहै खातिर हम अते ठार भ्‍याके छोटका-बरका सबके गबाही दैचियै। अगमबक्‍तासब आ मोसाके कहल बचन अबस्‍य पुरा हेतै से बातसबके अलाबा हम कोनो बात बेसीसे नै कहनेचियै।

फिलेमोन 1:19

हम पावल आपने हाथसे यि लिखरहल चियौ, उ रिन हम आपनेसे तिरदेबौ। तु हमर कारन आत्‍मिक जिबन पाबइके रिनी भेलचिही से बात नै कहैतरहेपरतौ।

१ थेसलोनिकी 2:16

गैर-यहुदीसबके मुक्‍तीके सन्‍देस सुनाइबला हमरासबके काममे उसब बाधा पुगेल्‍कै। एहेन कैरके उसब आपन पापके घरा भैरलेल्‍कै। आखिरमे परमेस्‍वरके करोध ओइसबके उपर परलै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ तिमोथी 4:15

हम तोरा कहल यि सब बात एकदमसे पालन कर आ पुरा मन लगाके ओहैमे लागल रह ताकि तोहर करल उन्‍नती सबकोइ देखे।