१ तिमोथी 3:13 - मध्‍य पुरविया थारू

¹³ जे डिकन मन्‍डलीमे निकसे रेख-देख करतै, से एकदमसे आदर पाबतै आ येसु खिरिस्‍टमे करल आपन बिस्‍बासके बारेमे निडर भ्‍याके औरो लोकसबके कहैके लेल बरका साहस पाबतै।

१ तिमोथी 3:13 Referans Kwoze

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

१ थेसलोनिकी 2:2

तोरासबलग आबैसे पहिने हमसब फिलिप्‍पी सहरमे कनङके दुख भोगलियै आ अपमानित भेलियै से तोरासबके थाहे छौ। तैयो बहौत गोरा बिरोधी रहितोपरभी परमेस्‍वरमे साहस कैरके हमसब तोरासबके सुसमाचार सुनेलियौ।

फिलिप्‍पी 1:14

हम जहलमे परलाके कारन बहुतो भाइ-भैयासब परभुमे साहसी भेलछै आ परमेस्‍वरके बचन निडर भ्‍याके परचार करैले साहस पाबनेछै।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

परेरित 21:35

सिपाहीसब पावलके लजाइत खिना लोकके भिर ओइसबके पछा लाइगगेलै। सिरहीसे उपर जाइत खिना लोकसब पावलके मारैले दौरलै तब पावलके बचाइले बोइकके ल्‍यागेलै।

परेरित 6:15

महासभामे बैठल उ सब लोकसब स्‍तिफनस दिसन गौरसे ताकल्‍कै त ओकर चेहरा स्‍वरगदुत जखा देखल्‍कै।

परेरित 6:8

स्‍तिफनस परमेस्‍वरके किरपा आ सक्‍तीसे भरपुर भ्‍याके लोकसबके बिचमे बरका-बरका अचमके काम आ चेन्‍हासब देखेल्‍कै।

परेरित 6:5

यि बिचार सुइनके सबकोइके असल लाग्‍लै आ सबकोइ खुसी भेलै, उसबमेसे स्‍तिफनस जे पबितर आत्‍मा आ बिस्‍बाससे भरपुर छेलै आ फिलिप, परखरस, निकनोर, तिमोन, परमिनास आ पहिने एन्‍टिओखियाके यहुदी धरम मानैबला निकोलाउसके सेहो छानल्‍कै।

लुका 19:17

तब उ ओकरा कहल्‍कै, ‘चाबस तु हमर असल सेबक चिही, कथिलेत छोट चिजमे बिस्‍बास करलिही। आब तोरा दस सहरसबमे अधिकार देबौ।’

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

१ तिमोथी 3:14

हम तोहरलग जल्‍दी आबैके असा राखने चियौ, महज यि चिठी अहैलेल लिखैचियौ,