१ तिमोथी 3:11 - मध्‍य पुरविया थारू

¹¹ तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

१ तिमोथी 3:11 Referans Kwoze

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

तितस 3:2

उसब ककरो बदनाम नै करे, लराइ-झगरा नै करे महज सब लोकसबसङे मिलजुइल असल बेबहार करे।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

२ तिमोथी 3:3

ओइसबमे मया-दया नै रहैछै आ छमा नै करैछै। उसब दोसरके बारेमे चुगली लगाइबला आ राँड़ हैछै आ निक बातके मन नै पराइछै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

१ तिमोथी 6:2

बिस्‍बासी भाइ-भैयासब त चियै कैहके दाससब आपन बिस्‍बासी मालिकके कम आदर नै करौक, बरु उसब औरो निकसे मालिकके सेबा करेपरतै, कथिलेकी सेबासे लाभ पाबैबला मालिकसब ओकरासबके आपने पिरिय बिस्‍बासी भाइ-भैयासब चियै। तु यि बातसब मन्‍डलीमे बिस्‍बासीसबके सिखा आ पालन करैके लेल उत्‍साह दहै।

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

युहन्‍ना 6:70

येसु ओकरासबके कहल्‍कै, “कि हम तोरा बारहो गोराके नै छान्‍ने चियौ से? महज तैयो तोरासबमेसे एक गोराके सैतान चलाइनेछौ।”

मतीके लिखल सुसमाचार 4:1

तकरबाद सैतानसे जाँचल ज्‍या कैहके पबितर आत्‍मा येसुके उजार जगहमे ल्‍यागेलै।

रोमी 1:29

उसब सब तरहके खराबी आ दुस्‍टतासे भरलछै। उसब लोभ, घिरना, दोसरके डाह, हतिया, झगरा-झाटी आ छल करैछै, झुठ बोलैछै आ चुगली लगाइछै।