१ तिमोथी 1:7 - मध्‍य पुरविया थारू

⁷ उसब मोसाके बेबस्‍था सिखाबैबला गुरु हैले चाहैछै महज कथी बोइलरहल छै आ कथिके बारेमे बिसेस सिखाइछै से आपने नै जानैछै।

१ तिमोथी 1:7 Referans Kwoze

रोमी 1:22

उसब आपनेके बुधियार ठानल्‍कै महज मुरुख भेलै।

२ पतरुस 2:12

महज यि झुठा गुरुसब त नै बुझलहा बातसबके निन्‍दा करैछै। उसब समझ नै भेल जानबर जखा चियै आ सोभाबिक इक्‍छासबके बसमे रहैछै। उसब पकैरके मारैके लेल जलमल जखाछै आ उसब जानबरसब जखा नस्‍ट हेतै।

१ तिमोथी 6:4

उ लोक घमन्‍डसे भरल रहैछै आ कुछो नै जानैछै। एहेन लोक बेरथेमे बाद-बिबाद करैछै। बात-बातमे झगरा करैछै। एहेन बातसबसे त डाह, फुट, बदनाम आ संखासब हैले लागैछै।

गलाती 3:5

परमेस्‍वर तोरासबके पबितर आत्‍मा देल्‍कौ आ तोरासबके बिचमे अजगुतके कामसब करल्‍कौ। कि तुसब बेबस्‍था पालन कैरके भेलौ? ओनङ त नै महज सुसमाचार सुइनके बिस्‍बास करलासे भेलौ।

२ तिमोथी 3:7

एहेन जनिसब सिखैले त हरदम सिखैत रहैछै, महज सतके ग्‍यान तलिक कहियो नै पुगे सकैछै।

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

गलाती 4:21

बेबस्‍थाके अधिनमे रहैले चाहैबलासब हमरा यि कह, बेबस्‍था कि कहैछै तोरासबके थाह नै छौ?

मतीके लिखल सुसमाचार 15:14

ओइसबके छोइरदहै, उसब त अन्‍हराके डोरियाबैबला आन्‍हर अगुवा जखा चियै। एकटा अन्‍हरा दोसर अन्‍हराके पकैरके बाट देखाइतै त दुनुगोरा खाइधमे खस्‍तै।”

परेरित 15:1

जब कुछ लोकसब यहुदिया परदेससे एन्‍टिओखियामे आइबके बिस्‍बासीसबके अनङ सिक्‍छा देबे लाग्‍लै, “जाबेतक तुसब मोसाके नियम जखा खतना नै करबिही ताबे तक तुसब मुक्‍ती नै पाबबिही।”

मतीके लिखल सुसमाचार 21:27

तब उसब येसुके जबाब देल्‍कै, “हमरासबके थाह नै छै।” येसु उसबके कहल्‍कै, “हम्‍हु कोन अधिकारसे यि काम करैचियै, से तोरासबके नै कहबौ।”

लुका 2:46

खोज्‍ते-खोज्‍ते तिन दिनके बाद उसब येसुके परमेस्‍वरके मन्‍दिरमे देखल्‍कै। ओते उ धरमगुरुसब सङे बैठके बात सुनै आ परस्‍न करैछेलै।

याकुब 3:1

हे हमर भाइ-भैयासब, तोरासबमेसे बहौत गोरा मन्‍डलीमे बचन सिखाइबला हैले नै खोज, कथिलेकी सिक्‍छा दैबलाके नियाय दोसर लोकसे बेसी कठोरसे हेतै से तुसब जानैचिही।