१ तिमोथी 1:19 - मध्‍य पुरविया थारू

¹⁹ तै बखत तु बिस्‍बासमे असथिर रह आ असल बिबेक बच्‍याके राख। कोइ-कोइ बिबेक अनुसार नै चलैके कारन आपन बिस्‍बासके नास कैनेछै।

१ तिमोथी 1:19 Referans Kwoze

१ तिमोथी 3:9

ओइसबके परमेस्‍वरसे परकट करल बिस्‍बासमे गरल सत्‍यके सुध बिबेकसे पकरने रहैके चाही।

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।

१ तिमोथी 6:9

महज धनिक हैले चाहैबला परिक्‍छामे परैछै। उ बेरथ आ खराब इक्‍छासबमे फैस जाइछै। ओहे खराब इक्‍छा ओकरा दुख आ बिनासमे लजाइछै।

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

परकास 3:8

तोहर काम हमरा थाहछै। देख, हम तोहर अगा केबार खोलल छोरदेने चियौ, जकरा कोइ नै बन्‍द करैले सकैछै। तोरासङे कनहिक सक्‍तीछै कैहके हमरा थाहछै, तैयो तु हमर बचन पालन करनेचिही आ हमर नाउके इन्‍कार नै करनेचिही।

हिबरु 3:14

यदि अपनासब खिरिस्‍टमे करल सुरुके भरोसाके अन्‍ततक जोगाके राखबै त, अपनोसब खिरिस्‍टसङे साझा हकदार हेबै।

२ तिमोथी 4:4

उसब सत बातसब सुनैले कान मुइनलेतै महज पहिन्‍का लोकसबके बनाल बनोतरी कथामे धियान देतै।

१ युहन्‍ना 2:19

उसब अपनासबके लोक नै रहै, तहै खातिर अपनासबके छोइरके चैलगेलै। यदि उसब अपनासबके लोकसब रहतियै त आपनेसबके सङे रहतियै। उसब अपनासबके नै चियौ से बात परस्‍टे छै से देखाइले उसब अपनासबके छोइरके चैलगेलै।

१ तिमोथी 6:21

कथिलेकी एहेन बातसबके पाछु लाइगके कतहेक लोक बिस्‍बाससे दुर भेलछै। तोरासबके सङे परमेस्‍वरके अनुगरह रहे।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

गलाती 5:4

बेबस्‍था पालन कैरके परमेस्‍वरके नजरमे धरमी ठहरैले चाहैबला खिरिस्‍टसे अलग भेलचिही आ ओकर अनुगरहसे दुर भेलचिही।

१ कोरन्‍थी 11:19

तोरासबमेसे सत लोकसब चिन्‍हैके लेल तोरासबमे बेमेल होनाइ जरुरी छै।

परकास 3:3

अहैलेल तु जे सिक्‍छा सुनने आ सिखनेचिही ओकरा याद कर। उ बातमे लागल रह आ पापसे पस्‍चाताप कैरके मन परिबरतन कर। यदि तुसब जागल नै रहबिही त, हम चोर एल जखा सुटुकसे एबौ आ हम कोन घरी एबौ से तु थाह नै पाबबिही।

मतीके लिखल सुसमाचार 6:27

तोरासबमेसे के एहेन छै जे चिन्‍ता कैरके आपन औरदामे एकोरति थपे सकैछै?

१ तिमोथी 6:12

बिस्‍बासके उतम लराइ लर। अनन्‍त जिबनके पकरने रह, कथिलेकी यह्‍या जिबनके लेल परमेस्‍वर तोरा बोलेल्‍कौ आ अहैके लेल तु बहुतो गोराके अगा आपन असल साक्‍छी देने चिही।

२ तिमोथी 2:18

उसब सच बातसे दुर भटकल घुरैछै। लोकसब मैरके जि उठैबला काम पैहने भ्‍यागेल्‍छै, कैहके कतहेक लोकके बिस्‍बासके बिगाइर देने छै।