१ तिमोथी 1:16 - मध्‍य पुरविया थारू

¹⁶ अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

१ तिमोथी 1:16 Referans Kwoze

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

लुका 7:47

अइ खातिर हम तोरा कहैचियौ, अकर बहौतरा पापसब माफ भ्‍यागेल्‍छै। तहैसे यि हमरा बेसी परेम देखेल्‍कै। महज जकरा कम माफ हैछै उ कमे परेम करैछै।”

२ पतरुस 3:15

परभु लोकसबके पापसबसे मुक्‍ती पाबे कैहके मौका दैले चाहैछै, ओहैसे उ कतहेक धिरजी चियै कैहके धियान दहै। अपनासबके पिरिय भाइ पावल सेहो परमेस्‍वरसे पाबने बुइधसे एह्‍या बातसब तोरासबके लिखने छेलौ।

२ पतरुस 3:9

कोइ कोइ यि बिचार करैछै कि परमपरभु आपन करल परतिग्‍या पुरा करैले देर करैछै, महज कोइ नास नै हेबे बरु सबलोक आपन-आपन पापसे पस्‍चाताप करे कैहके उ धिरजसे असियालछै।

१ पतरुस 3:20

उ आत्‍मासब पहिने परमेस्‍वरके आग्‍यापालन नै करल्‍कै जहिया नोआ पानी जहाद बनाबै छेलै। उसब आपन पापसे फिरतै कि कैहके धिरजकेसाथ परमेस्‍वर असियाल छेलै। जहादमे कमे लोक, अरथात आठ गोरे मातरे जल परलयसे बचल छेलै।

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

परेरित 13:39

येसुमे बिस्‍बास करैबला जतहेक छै से सब पापसे छुटकारा पाबने छै, जे बात मोसोके लिखल धरम-नियमसे पुरा करे नै सक्‍ने रहै।

युहन्‍ना 6:54

जे हमर देह खेतै आ लहु पितै ओकरसङे अनन्‍त जिबन रहतै आ अन्‍तके दिनमे हम ओकरा जियाइबै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

२ थेसलोनिकी 1:10

जै दिन परभु एतै, तै दिन उ आपन पबितर लोकसबके बिचमे आपन महिमा आ बिस्‍बास करैबला जम्‍मेलोकसे परसन्‍सा लेतै। ओते तुसब रहबिही, कथिलेत हमरसबके देल्‍हा गबाही पर तुसब बिस्‍बास करलिही।

एफिसी 1:12

ताकी हम यहुदीसब खिरिस्‍टमे पहिनेसे भरोसा करलियै, परमेस्‍वर आपन परसन्‍साके खातिर छानल्‍कै।

एफिसी 1:6

अपनासब परमेस्‍वरके ओकर महिमामय अनुगरहके लेल धन्‍याबाद चरहा जे मङनिएमे आपन पिरिय बेटामे देनेछै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

लुका 23:43

तब येसु ओकरा जबाब देल्‍कै, “साँचोके हम तोरा कहैचियौ, आइयेके तु हमरसङे स्‍वरगमे रहबिही।”

लुका 15:10

हम तोरासबके कहैचियौ, अहिनङे पस्‍चाताव करैबला पापीके लेल स्‍वरगमे परमेस्‍वर स्‍वरगदुतसबके अगा खुसी मनाबैछै।”

१ कोरन्‍थी 7:25

आब कुमारीसबके बारेमे हमरसङे परभुके आग्‍या किछो नै छौ। महज हम परभुके अनुगरहसे एक बिस्‍बासयोग्‍य लोक भेलाके कारन तोरासबके यि सल्‍लाह दैचियौ।