१ थेसलोनिकी 5:9 - मध्‍य पुरविया थारू

⁹ कथिलेकी परमेस्‍वर अपनासबके दन्‍ड दैकेलेल नै महज परभु येसु खिरिस्‍टसे मुक्‍ती पाबैके लेल चुन्‍ने छै।

१ थेसलोनिकी 5:9 Referans Kwoze

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

१ थेसलोनिकी 3:3

ताकि कोइ दुख भेल बखतमे कोइ हतास नै हो कैहके हमरासबके इक्‍छाछै। सताबट त अपना बिस्‍बासीसबके जिबनमे अबस्‍य आबैछै से बात तोरासबके थाहे छौ।

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

१ तिमोथी 1:13

एक समयमे हम्‍हु परमेस्‍वरके निन्‍दा करैबला आ ओकरमे बिस्‍बास करैबलासबके सताइबला आ दुरछिया करैबला लोक छेलियै। महज परमेस्‍वर हमरा दया करल्‍कै कथिलेकी उ कामसब हम अन्‍जानमे करलियै आ ओइ बखत हम परभुके नै चिन्‍है छेलियै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।

२ पतरुस 2:3

उसब लोभमे पैरके झुठा बातसब बनाइतौ आ तोरासबसे फैदा उठेतौ। ओइसबके दन्‍डके आदेस पहिने भ्‍यागेल छै आ ओइसबके नास पक्‍के हेतै।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

रोमी 11:7

अकर मतलब सब इजराएलीसब परमेस्‍वरके अगा धरमी हैले चाहतो परभी नै भेलै महज परमेस्‍वरके छानल कुछ इजराएलीसब मातरे धरमी ठहरलै। औरो बाकी इजराएलीसब कठोर भेलै।

परेरित 1:25

आ उ यि सेबाके काम आ परेरितके सेबाके काम कैर सके, जे सेबाके कामसे यहुदा भटैकके आपने ठाममे मरलै।”

परेरित 1:20

“कथिलेत भजनके किताबमे एहेन लिखल छै, ‘ओकर घर उजार हेबे, ओइमे कोइ नै बास करे आ ओकर काम करैके जिम्‍मा दोसरे कोइ लेबे।’

रोमी 11:30

पहिने तु गैर-यहुदीसब परमेस्‍वरके आग्‍यापालन नै करैछेल्‍ही, महज आब यहुदीसब आग्‍यापालन नै करला कारनसे परमेस्‍वरके किरपा तोरासबके भेटल छौ।

मतीके लिखल सुसमाचार 26:24

मानबके बेटाके समबन्‍धमे जे धरमसास्‍तरमे लिखल छै, तहिने ओकरा जाही परतै, महज धिक्‍कार छै ओइ लोकके जे मानबके बेटाके पकराइतै। उ लोक जलम नै लेने रहतियै त ओकरलेल असल हेतियै।