१ थेसलोनिकी 5:6 - मध्‍य पुरविया थारू

⁶ ओहैसे दोसर-तेसर लखा अपनासब नै सुत, महज जागल आ चौकल रह।

१ थेसलोनिकी 5:6 Referans Kwoze

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

मतीके लिखल सुसमाचार 24:42

“अहैलेल तुसब जागल रह, कथिलेकी तुसब नै जानैचिही कि तोरासबके परभु कोन दिन आइबजेतौ।

लुका 22:46

तब येसु चेलासबके कहल्‍कै, “तुसब कथिले सुइतरहलची? उठ आ जाँचमे नै परै खातिर परथना कर।”

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

परकास 16:15

“देख, हम चोर जखा अनचेकेमे एबौ। उ लोक धैनके चियै, जे जागल रहैछै आ आपन बस्‍तरके जोग्‍याके राखैछै। उ लोकके नाङटे चले नै परतै आ लोकसबके बिचमे लाजमे नै परतै!”

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

परकास 3:2

जागल रह आ मरैले लागल कमजोर आत्‍मिक जिबनके सेहो बौकार बनाके राख, कथिलेकी परमेस्‍वरके अगा तोहर काम हम सिध भेल नै पाबनेचियै।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ कोरन्‍थी 16:13

होसियार भ्‍याके बिस्‍बासमे अरल रह। साहसी आ बौकार हो।

१ तिमोथी 2:9

ओहिने जनिसब सोहो होसियारीसाथ साधारन आ भद्‌र पहिरन पिन्‍हे हम चाहैचियै। उसब आपन आपन केसके सिङगार-पटार, सोना या मोती आ बहौत महङके बस्‍तरसब नै पिन्‍हे,

तितस 2:6

ओहिनङे जबान सबके अपने-आपके बसमे राखैकेलेल उत्‍साह दहै।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

कलस्‍सी 4:2

तुसब सचेत भ्‍याके धन्‍यबादी हिरदयके साथ परथनामे लागल रह।

एफिसी 6:18

तुसब पबितर आत्‍माके सक्‍तीमे हर बखत परमेस्‍वरसे परथना कर। होसियार आ लगनसिल भ्‍याके हरदम खिरिस्‍टके पबितर जनसबके खातिर परथना करैतरह।

लुका 21:36

महज यि सब बातसबसे बचैले आ मानब पुतरके अगामे ठडा हेबे सके तै सक्‍तिके लेल परमेस्‍वरसङे सबघरी जागल रह आ परथना कर।”

लुका 12:39

“महज यि जानैत रह, कि चोर कोन बखत एतै कैहके मालिकके थाह हेतियै त उ जागले रहतियै आ चोरके सिन कोरके घर ढुकैले नै देतियै।

मतीके लिखल सुसमाचार 25:13

“अहैलेल जागल रह, कथिलेकी मानबके बेटा कोन दिन आ कोन घरी एतौ तोरासबके थाह नै हेतौ।”

मतीके लिखल सुसमाचार 25:5

असियाल-असियाल बर आबैले देर भेलासे उसब निनसे ढुले लाग्‍लै आ सुइत गेलै।

मतीके लिखल सुसमाचार 13:25

महज राइतमे लोकसब सुतल बखत ओकर दुस्‍मन एलै आ गहुम छिटल खेतमे झरके बिचहनसब छिटके चैलगेलै।

२ तिमोथी 4:5

महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

फिलिप्‍पी 4:5

तुसब सब लोकसङे असल बेबहार कर। परभु जल्‍दिए आइबरहल छौ।

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

मरकुस 13:37

हम तोरासबके जे कहैचियौ से हमसब लोकसबके कहैचियौ कि जागल रह!”

मतीके लिखल सुसमाचार 26:38

तब उ ओइसबके कहल्‍कै, “हमर मन पिरासे ब्‍याकुल भ्‍याके करेजा फाटेलागल जखा करैये। तुसब अत रैहके हमरसङे जागल रह।”

१ तिमोथी 2:15

महज तैयो जनी नम्‌र भ्‍याके बिस्‍बास, परेम आ पबितर रहतै त बच्‍चा जलमाइबेर उसब उदार पाबतै।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

१ थेसलोनिकी 4:13

देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।