१ थेसलोनिकी 5:12 - मध्‍य पुरविया थारू

¹² हे हमर भाइसब तोरासबके हमसब आगरह करैचियौ कि जतहेक लोकसब तोरासबके बिचमे परभुके काम दिनरात एक कैरके मेहनत करैबला आ सर-सल्‍लाह दैबला अगुवासब चियौ, ओइसबके आदर कर।

१ थेसलोनिकी 5:12 Referans Kwoze

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

१ कोरन्‍थी 16:18

उसब हमर आ तोरासबके मनके सेहो उत्‍साहित बनाइनेछौ। ओहैसे तोरासबके एहेन लोकसबके आदर करैले परतौ।

१ कोरन्‍थी 16:16

तुसब एहेन लोकसबके आ ओइसबसङे सेबा आ मेहनत करैबलासबके अधिनमे रह कैहके आगरह करैचियौ।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

तितस 1:3

ठिक समयमे उ आपन बचन परगट करल्‍कै। जे बचन सुनाबैले अपनासबके मुक्‍तीदैबला परमेस्‍वरके आग्‍यासे हमरा जिम्‍मा देने छै।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

परेरित 20:35

हम आपन सबकाम तोरासबके कैरके देखा देलियौ कि, तुहुसब अहिनङे मेहनत कैरके कमजोरसबके मदत कर आ परभु येसुके कहल बचन याद कर जे उ आपनेसे कहनेछै, ‘लेनाइ से देनाइ मे आसिस छै।’”

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

लुका 10:7

तुसब घर-घर नै घुम। एके घरमे रह, जे चिज तोरासबके खाइले देतौ ओह्‍या खो आ पि। कथिलेत काम करैबला आपन बैनके योग्‍यके हैछै।

परकास 1:20

हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”

तितस 1:5

हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

२ तिमोथी 2:6

जे गिरहत घाम-पसिना चुबाके मेहनत करैछै, उबजल बालीके पहिन्‍का हिस्‍सा ओकरे मिलैके चाही।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

गलाती 4:11

हमरा डर भ्‍यारहल छै, कि हम तोरासबके खातिर बेरथेमे दुख करलियै?

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

२ कोरन्‍थी 5:9

ओहैसे हमसब चाहे देहमे या चाहे देहसे अलग रैहके, ओकरा खुसी बनाबैके हमरासबके लक्‍छ चियै।

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

परकास 3:7

“फिलाडेल्‍फियाके मन्‍डलीके देख-भाल करैबला दुतके यि लिख, ‘उ जे पबितर आ सत छै, जकर हाथमे दाउदके कुजी छै आ जकर खोलल केबार कोइ नै बन्‍द करैले सक्‍तै या बन्‍द करल केबार कोइ नै खोलैले सक्‍तै।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।

परकास 2:18

“थिआटिरा मन्‍डलीके देख-भाल करैबला दुतके यि लिख, ‘आइग जखा बरैबला आँख आ खाइरके चम्‍कैबला काँस जखा टाङ भेल परमेस्‍वरके बेटा अनङ कहल्‍कै,

परकास 2:12

“परगामममे भेल मन्‍डलीके देख-भाल करैबला दुतके यि लिख, जकरसङे दुइ दिसन धार भेल तलबार छै, उ अनङ कहैछै।

परकास 2:8

“इस्‍मुरनामे भेल मन्‍डलीके देख-भाल करैबला दुतके यि लिख, ‘जे सुरु आ अन्‍त चियै, उ मरियोके जिबित हैबला अनङ कहैछै।

परकास 2:3

हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

युहन्‍ना 4:38

हम तोरासबके काटैले पठाइने चियौ, जे तुसब नै रोपनेचिही। औरो कोइ मेहतन करल्‍कै आ ओकरासबके करलहा मेहनतसे तोरासबके फैदा भेलछौ।”

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।

१ तिमोथी 5:20

बेर-बेर पाप करैबला सबके मन्‍डलीके अगारी दम्‍सा ताकि देखके दोसरो गोरा डराबे।

१ तिमोथी 5:1

अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

फिलिप्‍पी 2:19

परभु येसुके इक्‍छा हेतै त हम जल्‍दिए तिमोथीके तोरासबलग पठाबैके आसा करैची, ताकी तोरासबके हाल-समाचार सुइनके हम्‍हु खुसी हैले सकी।

रोमी 16:6

तोरासबके लेल जिजान लग्‍याके काम करैबाली मरियमके सेहो गोरलगी सुन्‍यादहै।

रोमी 16:12

परभुके लेल एकदमसे मेहनत करैबाली बहिनसब तुरुफेना आ तरोफोसाके हमर गोरलगी सुन्‍यादहै। हमर पिरिय बहिन परसीसके सेहो गोरलगी सुन्‍यादहै कथिलेत उ परभुके काम करा मेहनतसे करैछै।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।