१ थेसलोनिकी 5:11 - मध्‍य पुरविया थारू

¹¹ ओहै लेल तुसब एक दोसरके उत्‍साह दहै आ बिस्‍बासमे बलगर बना, जनङ तुसब करैत आइबरहल चिही।

१ थेसलोनिकी 5:11 Referans Kwoze

एफिसी 4:29

तोरासबके मुहसे खराब बात नै निक्‍ले, महज भलाइ करैबला आ मिठ बचन बोल ताकि सुनैयोबलासबके भलाइ हेबे।

हिबरु 10:25

कतहेक लोकके सङगतीमे जाइके बानी नै रहैछै, महज अपनासब एकसाथ भेला हैले नै छोर। महज तुसब परभु आबैबला दिन नजदिक आइबरहल देखलाके कारनसे एक-दोसरके औरो हौसला दहै।

रोमी 15:2

हमसब सब गोरे आपन-आपन परोसियाके भलाइ आ बिस्‍बासमे बौकार बनाबैके लेल ओकरासबके खुस करैले परतौ।

हिबरु 3:13

जबतक “आजुके दिन” कहैबला समयछै, तबतक एक दोसरके उत्‍साह दहै। ओहेन करबिही त, तुसब पापमे नै परबिही आ तोरासबके हिरदय परमेस्‍वरके इन्‍कार नै करतौ।

१ थेसलोनिकी 4:18

अहैलेल यि बातसबसे एक दोसरके उत्‍साह दैत रह।

रोमी 14:19

तैल्‍याके अपनासब उ बातसबके अनुसरन कर जे बात सान्‍ती लाबैछै आ एक-दोसरके बिस्‍बासमे बलगर बनाइले मदत करैछै।

१ कोरन्‍थी 14:12

तहिनङे तुसब आत्‍मिक बरदानसबके खातिर एकदमसे इक्‍छा करलासे, उ बरदानसब बेसिसे परयोग कर। अनङ करबिही त मन्‍डलीके बिस्‍बासीसब आत्‍मिक तवरसे बलगर हेतै।

एफिसी 4:12

खिरिस्‍टके सब पबितर जनसबके ओकर काम करे सकैबला बनाइले आ ओकर देह मन्‍डलीके बलगर बनाइले सके कैहके नियुक्‍त करल्‍कै।

यहुदा 1:20

महज, पिरिय भाइसब, तुसब एकदम पबितर बिस्‍बासमे बौकार हैत जो। पबितर आत्‍माके सक्‍तीमे रैहके परथना कर।

एफिसी 4:16

ओकरे अधिनमे देहके सब अङ ठिक-ठिक ठाममे जोरल गेल्‍छै आ सब अङसब आपन-आपन काम करतै त पुरे देह परेममे बरहैत बौकार हैतजेतौ।

१ कोरन्‍थी 10:23

तोरासबमेसे कोइ-कोइ कहैचिही, “सब चिज करैले पाबैछै” महज सब चिजसे भलाइ नै हैछै। दोसर सब कहैछै, “सब चिज करैले पाबैछै” महज सब चिजसे फैदा नै हैछै।

२ पतरुस 1:12

तुसब यि सब बात जान्‍बे करैचिही आ तोरासबके सिख्‍याल सत बातमे अस्‍थिर चिही तैयो हम यि सब बात तोरासबके हरदम याद दिलाइते रहबौ।

२ कोरन्‍थी 12:19

भ्‍यासकैछै, हमसब यि सब आपन बचाबके लेल करैचियै कैहके आपन मनमे बिचार करैचिही। महज एहेन नै छै! पिरियसब, हमसब परमेस्‍वरके अगा खिरिस्‍टमे बोलैचियै। यि सबकाम तोरासबके बलगर बनाइके लेल करैचियौ।

१ कोरन्‍थी 14:29

अगमबानी बोलैबला दुइ या तिन गोरा हेबे आ ओइसबके बोलल बात ठिक छै कि नै छै से औरोसब जाँच करे।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

१ तिमोथी 1:4

ओइसबके बनोतरी बात-कथा सबमे आ नै सकैबला बंसाबलीसबमे नै ओझराल रह कैहके आग्‍या दहै। कथिलेत एहेन बातसबसे बाद-बिबाद मातरे हैछै आ परमेस्‍वरमे बिस्‍बासके जिबन बिताइबलासबके कोनो फैदा नै करैछै।

१ थेसलोनिकी 4:10

बास्‍तममे तुसब त माकेडोनिया परदेसके सब बिस्‍बासीसबके ओहिने परेम करैचिही, अहैलेल देख भाइ-भैयासब, तुसब औरो बेसीसे परेम कैरतेजो कैहके हमसब बिन्‍ती करैचियौ।

१ कोरन्‍थी 14:5

तु सबकोइ आन भसा बोल कैहके हम चाहैचियौ, महज ओकरसे बेसि तुसब अगमबानी बोल कैहके हम चाहैचियौ। कथिलेत आन भसामे बोलेसे त बरु अगमबानी बोलनाइ बरका चियै। आन भसाके अरथ खोइल दैबला लोक रहतै तब मातरे मन्‍डलीके बिस्‍बासीसबके आत्‍मिक तवरमे बलगर बनाइतै।