१ थेसलोनिकी 4:4 - मध्‍य पुरविया थारू

⁴ पबितर आ आदरसाथ आपन घरबालीसङे जिबन बिताबे परैछै कैहके सबलोकके जाने परतै।

१ थेसलोनिकी 4:4 Referans Kwoze

१ कोरन्‍थी 7:9

महज उसब आपन मनके बसमे राखैले नै सकैछै त उसब बियाह करे। कथिलेत मनके बसमे नै राखैले सक्‍लासे त बरु बियाह करनाइ असल चियै।

रोमी 12:1

तैल्‍याके हे भाइ-भैयासब, परमेस्‍वरके दयाके धियानमे राइखके हम तोरासबके बिन्‍ती करैचियौ, तुसब आत्‍मिक आराधनाके रुपमे आपन-आपन देहके पबितर आ परमेस्‍वरके मनपरैबला जिबित बलीके रुपमे चरहा। ओकर आराधना करैबला सहि तरिका एह्‍या चियै।

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

१ कोरन्‍थी 6:15

तोरासबके देह खिरिस्‍टके अङ्‍गसब चियौ कैहके कि तोरासबके थाह नै छौ? कि हम खिरिस्‍टके अङ्‍गसब ल्‍याके बेस्‍यासबके अङ्‍ग बनाइबै? एहेन कहियो नै हेबे!

१ कोरन्‍थी 7:2

बेबिचारमे फसैबला अबस्‍था अनेक भेलाके कारन सब पुरुख लोकके आपन-आपन घरबाली हेबे आ सब जनिके आपन-आपन घरबला हेबे।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

रोमी 6:19

तोरासबके मानबिय स्‍वभाबके कमजोरीके कारनसे हम तोरासबके बुझैबला हिसाबसे मालिक आ दासके उदाहरन देके कहैचियौ। एक समयमे खराब इक्‍छासे बहुत घिनलागैबला पाप आ दुस्‍ट काम करैले तुसब आपन जिबनके दास जखा सोपने छेल्‍ही। आब पबितर हैले तोरासबके जिबन परमेस्‍वरके लेल असल काम करैबला दास जखा सोप।

रोमी 1:24

अहैलेल ओकरासबके हिरदयसे चाहना करल बेबिचारमे परमेस्‍वर ओकरासबके छोइरदेल्‍कै आ उसब एक दोसरसङे घिनलागैबला काम कैरके आपन देहके अपबितर बनाइल्‍कै।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

२ कोरन्‍थी 4:7

यि महान सक्‍ती हमरासबके नै महज परमेस्‍वरके चियै कैहके परस्‍ट करैके लेल यि धन माटीके बरतनमे अरथात अपनासबमे छै।