१ थेसलोनिकी 4:17 - मध्‍य पुरविया थारू

¹⁷ तब हमसब जिबित भेल्‍हासब परभुके अकासमे भेटैले ओइसबके सङे-सङे बादलमे उठ्‍याल ज्‍याब आ सबदिन हमसब परभुसङे रहब।

१ थेसलोनिकी 4:17 Referans Kwoze

१ कोरन्‍थी 15:52

यि परिबरतन आँखके एक मटकीमे, तुरहीके अन्‍तिम आबाजमे हेतै। तै समयमे तुरही बज्‍तै तब मरल लोकसब सबदिनके लेल जिबित हेतै आ अपना जिबित भेलसब परिबरतन हेबै।

परकास 11:12

उ दुनु अगमबक्‍तासब स्‍वरगसे एकटा एहेन बरका अबाज सुनल्‍कै, “अते उपर या।” तब ओकरासबके दुस्‍मनसब देखते देखते उ दुनु बादलमे स्‍वरग दिसन चैलगेलै।

युहन्‍ना 14:3

हम ज्‍याके तोरासबके खातिर ठाम तयार करलाके बाद फेनो एबौ आ तोरासबके आपनलग ल्‍याजेबौ, तैल्‍याके हम जते रहैचियै ओतै तुहुसब हमरसङे रहबिही।

१ थेसलोनिकी 4:15

परभुके कहल बचन अनुसारे त तोरासबके कहैचियौ कि परभु फेनसे आबैबला दिनतक अपनासब जिबित भेल्‍हासब कोनोभी हालतमे मरलहा लोकसबसे अगा ओकरा नै भेटबै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परेरित 1:9

येसु यि बात कहलाके बाद, उसब देखैत-देखैत उ स्‍वरगमे उठ्‍यालगेलै आ बादलमे ओकरासबके नजरसे बिल्‍या गेलै।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

परेरित 8:39

महज जब उसब पानीसे बाहर निकललै तखुन्‍ते परभुके आत्‍मा फिलिपके दोसर जगह ल्‍यागेलै आ उ मुन्‍सी फिलिपके फेनो नै देखल्‍कै। उ खुसीसे गद-गद हैत आपन बाटमे बरहैत गेलै।

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

परकास 12:5

वह्‍या जनि सारा जातीके लोहाके डन्‍टासे सासन करैले एकटा बेटा जलमेल्‍कै। ओकर बेटाके उठाके परमेस्‍वर आपनलग आ आपने सिंहासनमे ल्‍यागेलै।

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

मरकुस 14:62

तब येसु कहल्‍कै, “हँ, हम चियै। एक दिन अहाँ मानबके बेटाके महान परमेस्‍वरके देहना हाथ कातमे बैठल आ अकाससे बादलके सङे आइबरहल देखबिही!”

फिलिप्‍पी 1:23

हम त दोधारमे परल चियै। बरु अइ सन्‍सारसे बिदा भ्‍याके खिरिस्‍टसङे रहैके हमर बरका इक्‍छाछै, कथिलेकी यि एकदम असल बात चियै।

२ पतरुस 3:13

महज हमसब त परमेस्‍वरके परतिग्‍या करल लया स्‍वरग आ लया पिरथिबीके लेल असियाल चियै। जते धरमी लोकसब मातरे रहैछै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

१ थेसलोनिकी 4:18

अहैलेल यि बातसबसे एक दोसरके उत्‍साह दैत रह।

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।