१ थेसलोनिकी 4:13 - मध्‍य पुरविया थारू

¹³ देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।

१ थेसलोनिकी 4:13 Referans Kwoze

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।

१ थेसलोनिकी 4:15

परभुके कहल बचन अनुसारे त तोरासबके कहैचियौ कि परभु फेनसे आबैबला दिनतक अपनासब जिबित भेल्‍हासब कोनोभी हालतमे मरलहा लोकसबसे अगा ओकरा नै भेटबै।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

२ पतरुस 3:4

“परभु फेनसे एतै कैहके करल परतिग्‍या कि भेलौ? अपनासबके पिता-पुरखा मैरके चैलगेलै महज सन्‍सारके सब बात ओहिनङे छै, जनङ सिरिस्‍टीके सुरुमे छेलै।”

१ कोरन्‍थी 15:6

तकरबाद उ पाँच सयसे बेसि बिस्‍बासी भाइ-भैयासब लग एके साथ परगट भेलै। ओकरा देखैबलासब कतहेक गोरे मैरगेलै आ कतहेक गोरे अखुन्‍तो जिबित छै।

परेरित 7:60

उ ठेङहुनिया द्‍याके जोरसे कहल्‍कै, “हे परभु, यि पापके दोस अकरौरके नै लागे।” अतहेक कहलाके बाद ओकर परान छुइटगेलै।

२ कोरन्‍थी 1:8

हे हमर भाइसब, एसिया परदेसमे हमरासबके भोगल दुखके बारेमे तोरोसबके थाह हेबे कैहके हमसब चाहैचियै। कथिलेकी हमसब सहे नै सकैबला अतहेक नै दुख पाबलियै कि हमसब बाच्‍बै कैहके कोनो आसा नै छेलै।

१ कोरन्‍थी 10:1

हे हमर भाइसब, मोसाके पछा लागैबला अपनासबके पुरखासबके कि भेल छेलै से बात हम तोरासबके याद दिलाबैचियौ। उसब सब गोरेके मिसर देससे बादल रस्‍ता देखाइत ल्‍यागेलै आ उसब समुन्‍दरके बिचसे पार भ्‍याकेगेलै।

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

परेरित 13:36

“यि बात दाउद उ आपने बारेमे नै कहने रहै, कथिलेत ओकर जिबनमे परमेस्‍वरके इक्‍छा अनुसार काम कैरके उ मरलै आ आपन पुरखासब जरे गारलगेलै आ ओकर देह सैर गेलै।

युहन्‍ना 11:24

मारथा कहल्‍कै, “हँ, हम जानैचियै कि, अन्‍तके दिनके पुनरुथानमे फेनो उ जिबित भ्‍याके उठतै।”

२ पतरुस 3:8

महज पिरियसब, एकटा बात कहियो नै बिसराइहे कि, परभुके लेल एक दिन हजार बरिस जखा आ हजार बरिस एक दिन जखा चियै।

परेरित 8:2

परमेस्‍वरके भक्‍तसब स्‍तिफनसके लहासके लज्‍याके गार देल्‍कै आ ओकरलेल बहौत सोक करल्‍कै।

मतीके लिखल सुसमाचार 27:52

चिहानके मुहसब उघरलै आ परमेस्‍वरके बहुतो सेबकसब मुरदासे जिबित भ्‍याके उठलै।

१ कोरन्‍थी 12:1

हे हमर पिरिय भाइ-भैयासब आब हम पबितर आत्‍माके बरदानके बारेमे तोरासबके बताइले चाहैचियौ। तुसब अकर बारेमे अन्‍जान नै रह कैहके हमर इक्‍छाछै।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

१ थेसलोनिकी 4:14

कथिलेकी येसु मरलै आ फेनसे जिबित भेलै कैहके अपनासब बिस्‍बास करैचियै, अहैलेल जब येसु फेनसे एतै त मरैसे पहिने येसुमे बिस्‍बास करल लोकसबके परमेस्‍वर फेनसे जियेतै आ ओकर सङे-सङे एतै।

१ थेसलोनिकी 5:6

ओहैसे दोसर-तेसर लखा अपनासब नै सुत, महज जागल आ चौकल रह।