१ थेसलोनिकी 3:2 - मध्‍य पुरविया थारू

² आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

१ थेसलोनिकी 3:2 Referans Kwoze

फिलिप्‍पी 1:25

हम एकदम निसचिन्‍त चियै कि तोरासबके बिस्‍बास आ आनन्‍द औरो बरहाबैके लेल हम बाच्‍बै आ तोरासबसङे रहबै,

२ कोरन्‍थी 8:23

तितस हमर सङी चियै आ तोरासबके सहायता करैके लेल हमरसङे काम करैछै। ओकरसङे जाइबला भाइसबके खिरिस्‍टके महिमाके लेल मन्‍डलीसब पठाइनेछै।

२ कोरन्‍थी 1:19

कथिलेकी सिलास, तिमोथी आ हम तोरासबके बिचमे परचार करल परमेस्‍वरके बेटा येसु खिरिस्‍टमे एके छनमे “हँ” आ एके छनमे “नै” बला बात नै छै, महज ओकरमे हरदम “हँ” मातरे छै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

रोमी 16:21

हमरसङे काम करैबला तिमोथी तोरासबके गोरलगी पठाइनेछौ। तहिनङ कैरके हमर यहुदी भाइसब लुकियस, यासोन आ सोसिपातरोस सेहो तोरासबके गोरलगी पठाइनेछौ।

परेरित 16:5

अहिनङे मन्‍डलीके लोकसब बिस्‍बासमे मजगुत हैतगेलै आ दिन-दिने बिस्‍बास करैबला लोकसब बरहैत गेलै।

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

कलस्‍सी 4:9

ओकरसङे ओनेसिमस सेहो आइबरहलछौ जे तोरेसबमेसे एकटा बिस्‍बासी आ पिरिय चियौ। उ दुनुगोरा अतेका सब हालखबर तोरासबके सुनाइतौ।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

कलस्‍सी 1:1

हम पावल, परमेस्‍वरके इक्‍छासे येसु खिरिस्‍टके परेरित आ अपनासबके भाइ तिमोथीके तरफसे,

२ कोरन्‍थी 2:13

महज हमर बिस्‍बासी भाइ तितस ओते नै भेटलाके कारन हमर मन बेचैन भेलै। तहैलेल ओइसबसे बिदा भ्‍याके हम माकेडोनिया परदेस दिसन गेलियै।

१ कोरन्‍थी 4:17

अहैसे हम तोरासबलग तिमोथीके पठाबैचियै। उ परभुमे हमर पिरिय आ बिस्‍बासयोग्‍य बेटा चियै। हम सबठाम आ मन्‍डलीमे सिख्‍याल अनुसार खिरिस्‍ट येसुमे हमर जिबन केहन छेलै, से बात उ तोरासबके बतेतौ।

परेरित 18:5

सिलास आ तिमोथी माकेडोनियाके इलाकासे एलाकेबाद पावल आपन पुरा समय सुसमाचार सुनाबैमे लाग्‍यादेल्‍कै। उ यहुदीसबके समझाइत रहलै, “येसुवे मुक्‍ती दैबला खिरिस्‍ट चियौ।”

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

२ कोरन्‍थी 2:12

जब हम तरोआस सहरमे खिरिस्‍टके बारेमे सुसमाचार परचार करैले एलियै तब परभु हमर लेल दुवार खोइलदेने छेलै।

१ थेसलोनिकी 3:5

ओहैसे जब हमरा नै रहल गेलै त, तुसब बिस्‍बासमे बलगर चिही कि नै बुझ्‍हैके लेल तिमोथिके तोरासबलग पठेलियौ। पापमे फसाइबला सैतान कहि तोरासबके फसाके हमरासबके करल मेहनत बेकार कैरदेल्‍कै कि कथी कैहके हम घबरागेलियै।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।