१ थेसलोनिकी 3:11 - मध्‍य पुरविया थारू

¹¹ आब अपनासबके परमेस्‍वर पिता आपनेसे आ अपनासबके परभु येसु हमरासबके लेल तोरासबलग आबैले रस्‍ता खोइलदेबे।

१ थेसलोनिकी 3:11 Referans Kwoze

मतीके लिखल सुसमाचार 6:32

कथिलेत गैर-यहुदीसब यि सबचिज ताकैछै, महज तोरासबके पिता जे स्‍वरगमे रहैछै, उ तोरासबके यि सब चिज चाही से जानैछै।

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

मतीके लिखल सुसमाचार 6:26

अकासमे उरैबला चिरै-चुरगुनसबके देख। नै त उसब छिटैछै, नै कटनी करैछै, नै बखारीमे अन राखैछै, महज तैयो स्‍वरगके पिता ओइसबके खियाबैछै। कि तुसब ओइसबसे बेसी मोलके नै चिही?

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

२ थेसलोनिकी 3:5

तोरासबके हिरदय परमेस्‍वरके परेमके बुझैले आ खिरिस्‍टके जखा सहैबला सक्‍ती परभु देबे।

लुका 12:30

कथिलेत परमेस्‍वरके नै चिन्‍हैबला लोकसब यि चिजसबके चिन्‍ता करैछै। यि सब चिजसब तोरासबके चाही से बात परमेस्‍वर पिता जानैछौ।

मरकुस 1:3

उजार जगहमे एकटा लोक जोरसे कहैछै, “परभु आबैबला रस्‍ता दुरुस कर, उ चलैबला रस्‍तासब सोझ कर!”

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

रोमी 1:3

उ सुसमाचार परमेस्‍वरके बेटा, येसु खिरिस्‍टके बिसयमे चियै। उ लोक भ्‍याके रजा दाउदके बंसमे जलम लेल्‍कै।

मतीके लिखल सुसमाचार 6:18

तोहर उपास लोकसबके खातिर नै, महज गुप्‍तमे रहैबला तोहर पिता देखे आ सब चिज देखैबला परमेस्‍वर तोरा इनाम देतौ।

मतीके लिखल सुसमाचार 6:14

“यदि तुसब लोकसबके अपराध छमा करबिही त स्‍वरगमे रहैबला पिता ओहो तोरोसबके अपराध छमा करतौ।

मतीके लिखल सुसमाचार 6:6

महज जब तुसब परथना करैचिही त, आपन भितरी कोठलीमे जो आ केबार लग्‍याके आपन पिता जकरा कोइ नै देखेसकैछै तकरसे परथना कर। जे गुप्‍तमे करल काम देखैछै ओह्‍या पिता तोरा इनाम देतौ।

कलस्‍सी 1:2

कलस्‍से सहरमे रहैबला खिरिस्‍टमे भेल पबितर जनसब आ बिस्‍बासी भाइ-भैयासबके यि चिठी लिखैचियौ। अपनासबके परमेस्‍वर पिता तोरासबके अनुगरह आ सान्‍ती देबे।

२ कोरन्‍थी 6:18

हम तोरासबके पिता हेबौ आ तुसब हमर बेटा-बेटी हेब्‍ही कैहके सबरसक्‍तीमान परमपरभु कहैछै।”

मतीके लिखल सुसमाचार 6:4

तोहर दान गुप्‍तमे हेबे आ सब चिज देखैबला परमेस्‍वर तोरा इनाम देतौ।

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

१ थेसलोनिकी 4:16

कथिलेकी परभु जखने हुकुमके अबाज देतै आ परमुख स्‍वरग दुतके अबाज आ तुरहीके अबाज हेतै तखने खिरिस्‍टमे बिस्‍बास कैरके मरलहा लोकसब सबसे पहिने जिबित भ्‍याके उठतै।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

२ थेसलोनिकी 3:16

आब सान्‍ती दैबला परभु आपनेसे हरघरी आ हरतरहसे तोरासबके सान्‍ती देबे। परभु तोरासबगोरा सङे रहे।

परकास 21:3

तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।