१ थेसलोनिकी 2:15 - मध्‍य पुरविया थारू

¹⁵ उहे यहुदी लोकसब अगमबक्‍ताके आ उहेसब परभु येसु सेहो मुवेल्‍कै आ हमरोसबके सताइबला उहेसब चियै। उसब परमेस्‍वरके मन नै परैबला काम करैछै आ सारा लोकसबसे बिरोधी हैछै।

१ थेसलोनिकी 2:15 Referans Kwoze

मतीके लिखल सुसमाचार 5:12

तब खुसी आ आनन्‍द मना, कथिलेत तोरासबके खातिर स्‍वरगमे बरका इनाम राखल छौ। अहिनङे तोरासबसे पहिनेके अगमबक्‍तासबके उसब सताइने रहै।

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

लुका 24:20

महज मुल पुजारीसब आ हमरासबके सासकसब मिलके ओकरा मिरतुदन्‍ड द्‍याके कुरूसमे लटकेल्‍कै।

मतीके लिखल सुसमाचार 27:25

भिरके सबलोक जबाफ देल्‍कै, “अकर लहुके दोस हमरासबमे आ हमरासबके बेटा-बेटीसबमे परे!”

मतीके लिखल सुसमाचार 23:37

“ए यरुसलेमके लोकसब! तु अगमबक्‍तासबके मारैचिही आ परमेस्‍वर तोरासबलग पठेल्‍हासबके पथलसे मारैचिही। जनङ मुरगा आपन बच्‍चासबके डेन तरमे राखैछै, ओहिने हम बहुतो बेर तोहर बच्‍चासबके बचाइले चाहलियै, महज तु नै मानलिही।

१ कोरन्‍थी 10:5

महज परमेस्‍वर बहुतो गोरेसङे खुस नै छेलै आ उसब मरुभुमिमे नास भेलै।

परेरित 12:3

एहेन कामसे यहुदीसब एकदम खुसी भेल देखके उ पतरुसोके पकरल्‍कै। यि घटना अखमिरी रोटीके पाबैनके समयमे भेल छेलै।

परेरित 5:30

हमरासबके पितापुरखाके परमेस्‍वर येसुके मरलसे जियाइल्‍कै, जकरा तुसब कुरूसमे लटकाके मारने छेल्‍ही।

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

२ कोरन्‍थी 11:26

हम बेर-बेर यातरा करैबखत लदिसबके, समुन्‍दरके, सहरके, उजार जगहके आ डाकुसबसे, आपने जाइतके लोकसबसे, आनजातके लोकसबसे, झुठा सिक्‍छकसबसे आबैबला खतरामे परलियै।