१ थेसलोनिकी 2:14 - मध्‍य पुरविया थारू

¹⁴ यि बात हमरासबके थाहछै भाइ-भैयासब कथिलेकी तोरासबके जे समस्‍या भेलौ उ समस्‍या यहुदियामे रहल परमेस्‍वरके मन्‍डली अरथात खिरिस्‍ट येसुमे बिस्‍बास करैबला लोकसबके भेलै। उसब आपन जाती यहुदीसे जनङ सताबट पाबल्‍कै तहिने तुहुसब आपने जातीके लोकसबसे सताबट पाबनेचिही।

१ थेसलोनिकी 2:14 Referans Kwoze

१ थेसलोनिकी 3:4

कथिलेकी तोरासबसङे रहै बखत अपनासब सताबट पैबे कैहके बेर-बेर कहने छेलियौ। हमर कहल बात हाथ लाग्‍बे कैलौ, से बात थाहे छौ।

२ थेसलोनिकी 1:4

अहै खातिर सब परकारके सताबट आ कस्‍ट सैहरहल साहस देखके अस्‍थिर आ बिस्‍बासके बारेमे मन्‍डलीके बिचमे हमसब गौरब करैचियै।

गलाती 1:22

तै बखत तक यहुदिया परदेसमे भेल मन्‍डलीके भाइ-भैयासब कोइने हमरा देख्‍ने छेलै।

१ थेसलोनिकी 1:6

तुसब हमरासबके आ परभुके देखासेखी करलिही, कथिलेकी सताबटमे सेहो तुसब पबितर आत्‍मासे देल सुसमाचार खुसिसे गरहन करलिही।

२ थेसलोनिकी 1:1

हम पावल, सिलास आ तिमोथीके तरफे परमेस्‍वर पिता आ परभु येसु खिरिस्‍टमे यि चिठी लिखैचियौ।

१ थेसलोनिकी 1:1

हम पावल, सिलास आ तिमोथीयोके तरफसे परमेस्‍वर पिता आ परभु येसु खिरिस्‍टमे यि चिठी लिखैचियौ। परमेस्‍वर थेसलोनिकीके मन्‍डलीसबके अनुगरह आ सान्‍ती देबे।

१ कोरन्‍थी 7:17

चाहे जे हेबे, परभु जकरा जनङके खटाइनेछौ आ जे बरदान देनेछौ, उ तहिनङके जिबन बिताबे। सब मन्‍डलीसबके लेल हमर नियम एह्‍या चियै।

परेरित 17:13

महज जब थेसलोनिकेमे भेल्‍हा यहुदीसब बेरियोमे पावल परमेस्‍वरके सुसमाचार परचार करैछै से बात सुनल्‍कै, तब उसब बेरियामे आइबके हो-हल्‍ला मचाबैले लाग्‍लै आ पावलके बिरोध करैले ओतेका लोकसबके उक्‍साइले लाग्‍लै।

परेरित 11:19

स्‍तिफनस मारल गेलाके बाद परभु येसुमे बिस्‍बास करैबलासब उपर जब सताबट बरहे लाग्‍लै तब चारुदिसन छिरियागेलै आ कोइ फोनिके इलाकामे पुग्‍लै त कोइ साइपरस टपु त कोइ एन्‍टिओखिया सहर तक पहुचलै। महज सुरु-सुरुमे उसब यहुदीसबके बिचमे मातरे सुसमाचार परचार करैछेलै।

परेरित 9:31

तकरबाद सारा यहुदिया, गालिल आ सामरियाके मन्‍डलीसबमे सताबटसे सान्‍ती भेलै। परभुके डर मानैत बिस्‍बासमे मजगुत भेलै। परमेस्‍वरके पबितर आत्‍माके जोस पाइबके मन्‍डलीसब बरहैत गेलै।

परेरित 9:13

महज हननिया कहल्‍कै, “परभु, यि लोक यरुसलेममे अहाँके चेलासबके बहौत दुख देनेछै से हम बहौत लोकसबसे सुन्‍नेचियै।

परेरित 9:1

साउल परभु येसुके बिस्‍बासीसबके बिरोधमे धम्‍कि दैछेलै आ मारैके धुनमे परधान पुजारी लग गेलै,

परेरित 8:1

ओहै दिनसे यरुसलेमके मन्‍डलीके बिस्‍बासीसबके बिरोधमे बहौत बरका सताबट सुरु भेलै आ परेरितसबके छोइरके औरोसब बिस्‍बासीसब यहुदिया आ सामरियाके इलाकामे छिरिया गेलै।

परेरित 8:3

महज अने साउल घर-घरमे ढुइकके बिस्‍बासी मन्‍डलीके नास करैले कोसिस करैतरहै। उ मरद आ जनी सबके पकैरके घिस्‍याइते लज्‍याके जहलमे ढोइक दैछेलै।

परेरित 13:50

महज यहुदीसब परमेस्‍वरके भक्‍ति करैबला जनिसब आ सहरके नेतासबके समेत पावल आ बरनाबासके बिरोधमे चरह्‍या-बरह्‍याके ओइसबके ओइ इलाकासे भगा देल्‍कै।

परेरित 14:2

महज बिस्‍बास नै करैबला यहुदीसब गैर-यहुदीसबके उस्‍काके परभुमे बिस्‍बास करैबला लोकसबके बिरोध करैले लगाइल्‍कै।

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।

परेरित 14:5

तब गैर-यहुदीके लोक आ यहुदी लोकसब ओकरासबके आपने सासकसब सङे मिलके पावल आ बरनाबासके अपमान करैले आ पथलसे मारैके मन करल्‍कै।

परेरित 14:19

तकरबाद कुछ यहुदीसब एन्‍टिओखिया आ आइकोनियनसे ओते एलै आ लोकसबके आपन पक्‍छमे कैरके पावल उपर पथलबाही कराइल्‍कै। उ मरगेल हेतै कैहके ओकरा घिस्‍याइत लज्‍याके सहरसे बाहर फेकदेल्‍कै।

परेरित 18:12

जब अखैया इलाकाके गलियोन नामके लोक बडा-हाकिम रहै बखत यहुदीसब एकमत भ्‍याके पावलके बिरोध करैत ओकरा पकैरके बडा-हाकिम लग लज्‍याके कहल्‍कै,

१ कोरन्‍थी 10:32

तुसब ककरो ठेस लागैबला काम नै कर, चाहे यहुदीके, चाहे गिरिकके या चाहे परमेस्‍वरके मन्‍डलीके हेबे।