१ थेसलोनिकी 2:11 - मध्‍य पुरविया थारू

¹¹ तुसब जान्‍बे करैचिही कि माँ-बाबु आपन बेटा-बेटीके सङे केहेन बेबहार करैछै तैहिने हमसब तोरासबसङे हरेक गोराके करलियौ।

१ थेसलोनिकी 2:11 Referans Kwoze

हिबरु 13:22

हे हमर पिरिय भाइ-भैयासब, हम तोरासबके बिन्‍ती करैचियौ कि, हमर अरती देल बातके मान, कथिलेकी हम तोरासबके यि चिठी छोटमे लिखने चियै।

१ तिमोथी 5:21

हम तोरा परमेस्‍वर, खिरिस्‍ट येसु आ चुनलगेल स्‍वरगदुतके अगा करा आग्‍या द्‍याके यि कहैचियौ कि भेदभाव बिना यि नियमसब पालन कर। पक्‍छपात कैरके कोनो काम नै कर।

२ थेसलोनिकी 3:12

हमसब एहेन लोकसबके परभु येसु खिरिस्‍टके नाममे आग्‍या आ अरती दैचियै कि उसब चुपचाप काम करे आ आपन कमाइ खाए।

१ थेसलोनिकी 5:11

ओहै लेल तुसब एक दोसरके उत्‍साह दहै आ बिस्‍बासमे बलगर बना, जनङ तुसब करैत आइबरहल चिही।

१ थेसलोनिकी 2:7

महज जहिने माँ आपन बालबच्‍चाके देखभाल करैछै, तहिने कैरके हमसब सेहो तोरासबसङे नरमसे बेबहार करलियौ।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।

तितस 2:6

ओहिनङे जबान सबके अपने-आपके बसमे राखैकेलेल उत्‍साह दहै।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

१ तिमोथी 6:13

सब चिजके जिबन दैबला परमेस्‍वर आ पन्‍तियस पिलातसके अगा असल साक्‍छी दैबला येसु खिरिस्‍टके अगा, हम तोरा यि आग्‍या दैचियौ,

१ तिमोथी 6:2

बिस्‍बासी भाइ-भैयासब त चियै कैहके दाससब आपन बिस्‍बासी मालिकके कम आदर नै करौक, बरु उसब औरो निकसे मालिकके सेबा करेपरतै, कथिलेकी सेबासे लाभ पाबैबला मालिकसब ओकरासबके आपने पिरिय बिस्‍बासी भाइ-भैयासब चियै। तु यि बातसब मन्‍डलीमे बिस्‍बासीसबके सिखा आ पालन करैके लेल उत्‍साह दहै।

१ तिमोथी 5:7

अइ बातसबके बारेमे तु मन्‍डलीके बिस्‍बासीसबके सिक्‍छा दहै ताकि ओइसबके कोइ नै दोस लगाबे पाबे।

१ थेसलोनिकी 4:1

अन्‍तमे हमर भाइ-भैयासब परमेस्‍वरके मनपरैबला जिबन कनङके जियैछै से हमसब तोरासबके सिखेलियौ ओहिनङके फेनु तुसब जियैचिही। तोरासबके जिबन औरो बहौत असल हेबे कैहके परभु येसुके नाममे हमसब तोरासबके बिन्‍ती करैचियौ।

परेरित 20:2

ओइ इलाकामे पुग्‍लाकेबाद ओतेका बिस्‍बासीसबके उत्‍साह द्‍याके फेनो ओतेसे उ गिरिस देसमे गेलै।

तितस 2:9

नोकरसब सेहो आपन आपन मालिकके अधिनमे रैहके ओइसबके सब काममे खुस करौक, मुह-मुहे नै लागौक।

एफिसी 4:17

अहै खातिर हम परभुके देल अधिकारसे तोरासबके जोर द्‍याके कहैचियौ, आबसे तोरासबके चालचलन परमेस्‍वरके नै चिन्‍हैबलासब जखा नै हेबे। कथिलेत ओइसबके सोच-बिचार बेकार छै।

लुका 16:28

कथिलेत हम पाँच भैयारी चियै, उ ज्‍याके ओइसबके चेताबे नै त ओहोसब हमरे जखा एहिनङ दुखे दुख भेल जगहमे चैलएतै।’

१ थेसलोनिकी 4:6

एहैन खराब काम कैरके कोनो लोक आपन बिस्‍बासी भाइसबसे नाजाएज फाइदा नै उठाबे। कथिलेकी एहेन पाप करैबलासबके परमेस्‍वर दन्‍ड दैछै। अइके बारेमे हमसब पहिने तोरासबके एकदमसे चेताइने चियौ।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

३ युहन्‍ना 1:4

हमर बेटा-बेटीसब सतके रस्‍तामे चलैछै कैहके सुन्‍नाइसे बरका आनन्‍द हमर लेल औरो कथी हेतै?

२ थेसलोनिकी 2:5

सङे रहैत यि सब बात त हम तोरासबके पैहनै कहने छेलियौ, नै?