१ थेसलोनिकी 1:10 - मध्‍य पुरविया थारू

¹⁰ तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ थेसलोनिकी 1:10 Referans Kwoze

१ थेसलोनिकी 5:9

कथिलेकी परमेस्‍वर अपनासबके दन्‍ड दैकेलेल नै महज परभु येसु खिरिस्‍टसे मुक्‍ती पाबैके लेल चुन्‍ने छै।

मतीके लिखल सुसमाचार 3:7

महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

लुका 3:7

बहुत लोकसब बप्‍तिस्‍मा लैले युहन्‍ना लग एलै आ उ कहल्‍कै, “ऐ साँपके बच्‍चासब, परमेस्‍वरके आबैबला कोरोधसे भागैले तोरासबके के चेताइने छेलौ?

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

परेरित 1:11

उसब कहल्‍कै, “ए गालिलके लोक, तुसब कथिले अकास दिसन ताकैत ठडा भेलचिही? येसु त स्‍वरगमे गेलौ, जैहनङ अखुन स्‍वरगमे जाइत देखलिही, ओहिनङ ओकरा फेनो आबैत देखबिही।”

२ पतरुस 3:14

ओहैसे, हे हमर पिरिय सङिसब, ओइ दिनके आसमे रहैतकाल परमेस्‍वरके नजरमे सुध, निरदोस आ सान्‍तीमे रैहके जिबन जियैले कोसिस कर।

१ थेसलोनिकी 2:16

गैर-यहुदीसबके मुक्‍तीके सन्‍देस सुनाइबला हमरासबके काममे उसब बाधा पुगेल्‍कै। एहेन कैरके उसब आपन पापके घरा भैरलेल्‍कै। आखिरमे परमेस्‍वरके करोध ओइसबके उपर परलै।

१ कोरन्‍थी 1:7

अपनासबके परभु येसु खिरिस्‍ट फेनसे एतै कैहके बाट ताकैतखिना तोरासबमे कोनो आत्‍मिक बरदानके कमी नै हेतौ।

२ पतरुस 3:12

तुसब परमेस्‍वरके नियाय करैबला दिनके बाट ताकैचिही, उ दिन झटसे आबे कैहके करैबला काम कर। उ दिन सारा अकास आइगसे भस्‍म हेतै आ ओते भेल सबचिज आइगके धाहसे गैलजेतै।

हिबरु 10:27

महज पाप करैबलासब डराइते परमेस्‍वरके इन्‍साफके असियाल रहतै आ परमेस्‍वर आपन बिरोधीसबके जरैत आइगमे नास करतै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

फिलिप्‍पी 3:20

महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

परेरित 17:31

कथिलेत सन्‍सारके सब लोकसबके नियाइ करैके दिन उ तोइकदेने छै। ओइ दिन परमेस्‍वर आपनेसे छानल लोकसे सन्‍सारके उचित नियाय करतौ। ओइ लोकके नियाइ करैके अधिकार छै से परमान लोकसबके देबेखातिर परमेस्‍वर ओकरा मरलसे जियाइल्‍कै।”

परेरित 4:10

तौरौरके सबकोइ आ इजराएलके सब लोकसबके थाह हेबे, कि तोरेसबके अगा येसुके कुरूसमे लटकेल्‍कै आ परमेस्‍वर मरलसे जिबित करल्‍कै, ओह्‍या नासरतके येसु खिरिस्‍टके नाममे यि लोक तोरासबके अगामे निक भ्‍याके ठारभेल छौ।

परेरित 3:21

परमेस्‍वर पहिनेसे आपन पबितर अगमबक्‍तासबके मुहसे बोलल्‍हा सब चिजके पुनरअस्‍थापन हैबला बखत नै आबेतक खिरिस्‍टके स्‍वरगमे रहेपरतै।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

१ पतरुस 2:21

कथिलेकी परमेस्‍वर तोरासबके यह्‍या कामके लेल चुनल्‍कौ, खिरिस्‍ट तोरासबके लेल दुख भोगल्‍कौ आ उ एकटा उदाहरन बन्‍लै। आबसे तुसब ओकर देख्‍याल बाटमे चलेपरतौ।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

१ थेसलोनिकी 2:7

महज जहिने माँ आपन बालबच्‍चाके देखभाल करैछै, तहिने कैरके हमसब सेहो तोरासबसङे नरमसे बेबहार करलियौ।

१ थेसलोनिकी 1:7

तकर परिनाम यि भेलै कि तुसब माकेडोनिया आ अखैया परदेसमे भेल सब बिस्‍बासीके लेल एक नमुना बैन गेलचिही।

कलस्‍सी 1:18

मन्‍डली खिरिस्‍टके देह चियै आ उ ओकर सिर चियै। लया जिबन दैबला उहे चियै कथिलेत मरलसे जिबित हैबलामेसे उ सबसे जेठ चियै आ उहे सब बातमे अधिकार करैछै।

रोमी 1:4

पबितर आत्‍माके देख्‍याल अनुसार येसु खिरिस्‍ट परमेस्‍वरके बेटा चियै, कथिलेकी ओकरा मरलसे फेन जिबित कराइल्‍कै। उ अपनासबके परभु येसु खिरिस्‍ट चियै।

लुका 2:25

यरुसलेममे सिमियोन नामके एकटा लोक छेलै। उ इजराएलके बचाबैबला लोकके आसमे रहै आ उ धरम-करम करैबला लोक रहै, पबितर आत्‍मा ओकरसङे छेलै।

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 16:28

साँचेके, हम तोरासबके कहैचियौ, अते ठार भेलमेसे कतहेक लोकसब जाबेतक मानबके बेटाके आपन राजमे आबैत नै देखतै ताबेतक नै मरतै।”

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।