१ पतरुस 5:6 - मध्‍य पुरविया थारू

⁶ तैदुवारे नम्‌र भ्‍याके सक्‍तिसाली परमेस्‍वरके अधिनमे रह आ उ तोरासबके ठिक समयमे सम्‍मानित करतौ।

१ पतरुस 5:6 Referans Kwoze

याकुब 4:10

परभुके अगा नम्‌र बन, तब उ तोरासबके उपर उठाइतौ।

लुका 14:11

कथिलेत जे अपनाके बरका सोचैछै उसबसे निच हेतै आ जे अपनाके निच सोचैछै उसबसे बरका हेतै।”

मतीके लिखल सुसमाचार 23:12

कथिलेत जे अपनाके बरका सोचैछै उ सबसे छोट हेतै आ जे अपनाके छोट सोचैछै उ सबसे बरका हेतै।

लुका 18:14

तब येसु ओइसबके कहल्‍कै, “हम तोरासबके कहैचियौ, बटी उठाइबला लोक फरिसीसे बेसी धरमी ठहैरके आपन घर गेलै। कथिलेत जे आपनके बरका सोचैछै उ सबसे छोट हैछै आ जे आपनके छोट सोचैछै उ सबसे बरका हैछै।”

लुका 1:52

उ सक्‍तिसाली रजासबके ओकर सिंहासनसे अलग करने छै आ आपनके कमजोर ठानैबलाके उपर उठाइने छै।

रोमी 5:6

हमसब अपनेसे मुक्‍तीके लेल कुछो करैले नै सकैबला भेलाके कारनसे खिरिस्‍ट अपनेसे ठिक समयमे हमरासबके लेल मरलै।

१ कोरन्‍थी 10:22

अनङकैरके परभुके रिस उठेनाइ डरलागैबला बात नै चियै से? कि अपनासब ओकरसे बौकार चिही?

याकुब 5:10

हे भाइ-भैयासब, दुख कस्‍टमे धिरज कैरके सहैबला आ परभुके नाउमे बचन बोलैबला अगमबक्‍तासबके याद कर।

तितस 1:3

ठिक समयमे उ आपन बचन परगट करल्‍कै। जे बचन सुनाबैले अपनासबके मुक्‍तीदैबला परमेस्‍वरके आग्‍यासे हमरा जिम्‍मा देने छै।

१ तिमोथी 2:6

उ सबलोकके छुटकाराके मोल तिरैके लेल अपने-आप बलिदान भेलै। अइ बातके साक्‍छी परमेस्‍वर ठिक समयमे देल्‍कै।

याकुब 4:7

तै खातिर परमेस्‍वरके अधिनमे रह। सैतानके बिरोध कर आ उ तोरासबके लगसे भाइगजेतौ।