१ पतरुस 4:11 - मध्‍य पुरविया थारू

¹¹ जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।

१ पतरुस 4:11 Referans Kwoze

१ कोरन्‍थी 10:31

तैखातिर तुसब खो, पि या जेकुछ कर, सबकुछ परमेस्‍वरके महिमाके लेल कर।

एफिसी 6:10

अन्‍तमे, तुसब परभुमे आ ओकर बरका सक्‍तीसे बलगर हो।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।

परेरित 7:38

मोसा उजार जगहमे अपनासबके पुरखासबसङे छेलै। ओते स्‍वरगदुत ओकरजरे सिनै परबतमे बोलल छेलै आ स्‍वरगदुतसे पाबल जिबित बचनसब इजराएलीसबके सुनेल्‍कै।

एफिसी 4:29

तोरासबके मुहसे खराब बात नै निक्‍ले, महज भलाइ करैबला आ मिठ बचन बोल ताकि सुनैयोबलासबके भलाइ हेबे।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

कलस्‍सी 4:6

जनङ नोन तरकारिके सबदगर बनाइछै तैहनङ तोरासबके बोलिबचन हरदम अनुगरहसे भरल आ सुनैले असल लागैबला हेबे। तुसब असलसे जबाफ कनङके देबे परतै से जाने परतौ।

१ कोरन्‍थी 12:4

पबितर आत्‍माके बरदानसब बहौत किसिमके छै, महज बरदान दैबला पबितर आत्‍मा एके चियै।

१ पतरुस 2:5

तुसब जिबित पथल चिही। परमेस्‍वर तोरासबके परयोग कैरके आपन आत्‍मिक मन्‍दिर बन्‍यारहलछौ, ताकी तुसब पबितर पुजारी भ्‍याके येसु खिरिस्‍टसे परमेस्‍वरके मनपरैबला आत्‍मिक बलिदान चरहाइले सकबिही।

यहुदा 1:25

अपनासबके परभु येसु खिरिस्‍ट दुवारा, अपनासबके मुक्‍ती दैबला एक मातरे परमेस्‍वरके सब आदर, महिमा, सक्‍ती आ अधिकार जुगो-जुग तलिक हैतरहे। आमेन।

हिबरु 5:12

तोरासबके बिस्‍बास करला अतहेक दिन भेलछौ कि तुसब सिक्‍छक भ्‍याजेबाके चाही, महज अखुनो तोरासबके कोइ कोइ परमेस्‍वरके बचनके छोट छोट बात सिखाबे परलछै। तोरासबके ठोस भोजन नै, बल्‍की बच्‍चा जखा दुधके आबसेक्‍ताछौ।

१ तिमोथी 6:16

उ अजर-अमर रहैबला आ उ एहेन इजोतमे बास करैछै जकर लगमे कोइ नै जाइले सकैछै। ओकरा कोइयो नै देखने छै आ नै देखे सक्‍तै। सब आदर आ सब सक्‍ति, सबदिन ओकरे चियै। आमेन।

१ तिमोथी 1:17

जुगो-जुगके रजा, अमर, देखा नै परैबला एक मातरे परमेस्‍वरके आदर-भाव आ महिमा सबदिन हैते रहे। आमेन।

१ कोरन्‍थी 3:10

परमेस्‍वरके देल अनुगरहसे हम एकटा घर बनाइबला सिपालु मिसतिरी जखा जग खरा करलियै आ दोसर कोइ तैमे घर बनाबैछै। तैमे घर बनाइबला हरेक लोक कनङके बनाबैछै से निकसे धियान देबे।

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

१ पतरुस 5:11

जुगो जुग तलिक सारा सक्‍ती पराकरम ओकरे हेबे। आमेन।

याकुब 1:26

कोइ आपनके धरमी सम्‍झैछै, महज आपन जिहके लगाम नै लगाइछै त उ आपनेके धोखा दैछै आ ओकर धरम-करम बेरथ हैछै।

फिलिप्‍पी 2:11

सबकोइ परमेस्‍वर पिताके महिमाके लेल येसु खिरिस्‍टके परभु कैहके सुइकार करेपरतै।

एफिसी 5:20

अपनासबके परभु येसु खिरिस्‍टके नाममे परमेस्‍वर पिताके सब बातमे हरदम धन्‍यबाद दैतरह।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

रोमी 11:36

कथिलेत सब चिज ओकरे सिरिस्‍टी चियै आ ओकरेसे बनलछै आ ओकरे लेल बन्‍याल छै। ओकर महिमा सबदिन हैतरहे! आमेन।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

२ कोरन्‍थी 9:13

तुसब खिरिस्‍टके सुसमाचारमे बिस्‍बास कैरके आग्‍याकारी भेल बात आ तोरासबके खुल्‍ला हिरदयसे देल दानसे परमेस्‍वरके महिमा हेतै। यि सेबाके कामसे तुसब केहेन चिही कैहके लोकसबके परमानित हेतौ।

रोमी 16:27

एक मातरे सरबग्‍यानी परमेस्‍वरके येसु खिरिस्‍ट दुवारा सबदिन महिमा हैतरहे! आमेन।

युहन्‍ना 13:31

जब यहुदा बाहर निकैलके गेलै, तब येसु उसबके कहल्‍कै, “आब मानब बेटाके महिमा परगट हेतौ आ ओकरमे परमेस्‍वरके महिमा परगट हेतै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

२ कोरन्‍थी 2:17

हमसब आपन फैदाके लेल परमेस्‍वरके बचन परचार करैबला बेपारी नै चियै। महज हमसब इमान्‍दार भ्‍याके खिरिस्‍टके सेबकके रुपमे परमेस्‍वर हमरासबके देखैछै से बात जाइनके ओकर बचन परचार करैचियै।

एफिसी 1:19

खिरिस्‍टमे बिस्‍बास करैबलासबके खातिर काम करैबला ओकर महान सक्‍ती अनुमाने करैले नै सकबिही। यि बात तोरासबके थाह हेबे कैहके हम परथना करैचियौ।

१ थेसलोनिकी 2:4

महज परमेस्‍वर हमरासबके ओकर योग्‍य भेलाके कारन सुसमाचार परचार करैके जिम्‍मा देने छै। अहैलेल हमसब लोकसबके खुसी करैके लेल नै, महज मन जाचैबला परमेस्‍वरके खुसी करैके लेल हमसब सुसमाचार सुनाइचियै।

तितस 2:1

महज तितस तु असल सिक्‍छा सङे मिलैबला बातसब मातरे सिखाबिहे।

तितस 2:15

तु बिस्‍बासीसबके यि सब बात पुरा अधिकारसे सिखाही, हौसला दहै आ हप्‍का। कोनो लोक तोरा हेला करे तैके मौका नै दहै।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ पतरुस 4:16

महज खिरिस्‍टमे बिस्‍बास करलासे दुख-कस्‍ट भोगैचिही त लाज नै मान। बरु खिरिस्‍टके नाम लैले पाबलियै कैहके परमेस्‍वरके परसन्‍सा कर।