१ पतरुस 3:14 - मध्‍य पुरविया थारू

¹⁴ यदि असल काम कैरतोपरभी दुख भोगैले परतौ त, तुसब आसिस पाबबिही। तहैलेल लोकके धम्‍कीसे नै डरा, नै त चिन्‍ता कर।

१ पतरुस 3:14 Referans Kwoze

मतीके लिखल सुसमाचार 10:28

ओइसबसे नै डेरा जे देहके मातरे मारैछै, महज आत्‍माके नै मारे सकैछै। बरु ओकरेसङे डेरा जे आत्‍मा आ देह दुनुके नास कैरके नरकमे फेकैके सक्‍ती छै।

२ कोरन्‍थी 12:10

ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

युहन्‍ना 14:1

येसु चेलासबके कहल्‍कै, “तोरासबके मन बेचैन नै हेबे। तुसब परमेस्‍वरमे बिस्‍बास करैचिही आ हमरोमे बिस्‍बास कर।

मरकुस 10:29

येसु कहल्‍कै, “साँचोके हम तोरासबके कहैचियौ, जे हमरा आ सुसमाचारके खातिर आपन घरदुवार, माँ-बाबु, बेटा-बेटी, भाइ-बहिन आ जगहा-जमिन छोरतै,

मरकुस 8:35

कथिलेत जे आपन परान बचाइले चाहैछै, उ गुमाइतै, महज जे हमर लेल आपन परान गुमाइछै, उ आपन परान बचाइतै।

मतीके लिखल सुसमाचार 19:29

जे कोइ हमर खातिर आपन घरदुवार, भाइ-बहिन, माँ-बाबु, बेटा-बेटी आ जगहा-जमिन छोरैछै, उ सय गुना पाबतै आ अनन्‍त जिबनके हकदार हेतै।

मतीके लिखल सुसमाचार 16:25

कथिलेत जे आपन जिबन बचाइले चाहैछै, उ गुमाइतै। महज जे हमर खातिर आपन जिबन गुमाइछै, उ बचाइतै।

१ पतरुस 3:6

जनङकी सारा, आपन घरबला अबराहमके आपन पतिदेब माइनके ओकर कहल मानैछेलै। यदि तुहुसब कोनो बातके डर नै माइनके ठिक काम करबिही त, तुहुसब साराके बेटीसब कहाइबिही।

मतीके लिखल सुसमाचार 10:39

जे आपन जिबन बचाइले चाहैछै, उ गुमाइतै महज जे हमर खातिर आपन जिबन गुमाइतै, उ बचाइतै।

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

मतीके लिखल सुसमाचार 10:31

तै खातिर नै डरा, कथिलेत तुसब बहुत बगरासबसे औरो बेसी मुल्‍यबान चिही।

परेरित 9:16

कथिलेकी हमर नामके खातिर ओकरा कतहेक दुख भोगे परतै, आब हम ओकरा देखाइबै।”

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।