१ पतरुस 2:4 - मध्‍य पुरविया थारू

⁴ तुसब परभुके लगमे या, जे परमेस्‍वरके जिबित पथल चियै, जकरा लोकसब छाइटदेनेछेलै महज उ परमेस्‍वरके दिरिस्‍टीमे छानल गेल आ बहुमुल्‍यके चियै।

१ पतरुस 2:4 Referans Kwoze

१ पतरुस 2:7

बिस्‍बास करैबला तोरासबके लेल यि पथल अनमोल छौ। बिस्‍बास नै करैबालासबके लेल त यि पथल एहेन छै, “जै पथलके मिसतिरीसब बेकार समैझके फेकदेनेछेलै वह्‍या पथल जगके मुल खम्‍हा भेलै।”

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

२ पतरुस 1:4

ओकर महिमा आ भलाइके कारन उ अपनासबके अनमोल आ महान परतिग्‍यासब उ अपनासबके देनेछै, ताकी अइ सन्‍सारके अधलाह इक्‍छासे आबैबला बेकार बातसे बाँइचके इस्‍वरीय स्‍वभावमे सहभागी हो।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

१ पतरुस 1:19

महज येसु खिरिस्‍टके निरदोस आ अनमोल लहुसे तोरासबके छुटकरा देनेछौ। उ सुध आ निस्‍खोट बैलभोगमे चरहाबैबला थुमा छेलै।

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 6:57

जहिनङे हमर पिता हमरा पठेल्‍कै आ हम ओकर कारनसे जिबित चियै, ओहिनङे हमर देह खाइबला हमर कारनसे जिबित रहतै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 5:40

तैयो तुसब अनन्‍त जिबन पाबैके लेल हमरलग आबैले नै चाहैचिही।

युहन्‍ना 5:26

कथिलेत जहिनङे पिता आपनेमे जिबनके मुल चियै, तहिनङे उ आपन बेटोके जिबनके मुल बनाइनेछै,

मतीके लिखल सुसमाचार 21:42

तब येसु उसबके कहल्‍कै, “कि तुसब पबितर धरमसास्‍तर नै पढनेचिही? ‘जै पथलके घर बनाइबला मिसतिरीसब छाइट देल्‍कै, सेह्‍या जगके मुल खम्‍हा बन्‍लै, यि काम परमेस्‍वर करने छै आ अपनासबके नजरमे आस्‍चरजके बात छै।’

मतीके लिखल सुसमाचार 12:18

“हमर सेबकके देख, जकरा हम छान्‍ने चियै। ओकरासे हम एकदम खुसी चियै। हम आपन आत्‍मा ओकरमे राइखदेबै आ उ जाती-जातीके नियाइके घोसना करतै।

मतीके लिखल सुसमाचार 11:28

“हे सब थाकल आ बोझसे दाबल लोकसब, हमरलग या, हम तोरासबके बिसराम देबौ।

१ कोरन्‍थी 3:11

कथिलेत परमेस्‍वर जे जग बनाइनेछै उ जग येसु खिरिस्‍ट चियै, उ जग बाहेक कोइ नै दोसर जग बनाइले सक्‍तै।