१ पतरुस 2:24 - मध्‍य पुरविया थारू

²⁴ हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।

१ पतरुस 2:24 Referans Kwoze

मतीके लिखल सुसमाचार 8:17

अहिनङे यसैया अगमबक्‍ताके कहल बात पुरा भेलै- “उ अपनासबके कमजोरीसब आ अपनासबके रोग-बिमारसब बोइक लेल्‍कै।”

रोमी 6:11

तहिनङ कैरके तुहुसब आपन-आपन पापके खातिर मरल महज येसु खिरिस्‍टसङे परमेस्‍वरके लेल जिबित भेल समझ।

परकास 22:2

उ लदी सहरके मुल रस्‍ताके बिचसे बहैछेलै। उ लदीके पखामे एकटा जिबनके गाछ छेलै, जे हरेक महिना बारह किसिमके फल फराइछेलै। उ गाछके पतासब जाती-जातीके लोकसबके निक करैबला दबाइ जखा छेलै।

१ युहन्‍ना 2:29

खिरिस्‍ट धरमी छै से तुसब जानैचिही। तहैलेल निसचिन्‍त रह कि धारमिकतामे चलैबला सब परमेस्‍वरसे जलमल रहैछै।

याकुब 5:16

ओहैसे यदि निक हैले चाहैचियै त आपन करल पाप एक-दोसरके अगा सुइकार कर आ एक-दोसरके खातिर परथना कर। धरमी लोकके करल परथनासे परमेस्‍वर सक्‍तिसाली आ परभावकारी तबरसे काम करैछै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

रोमी 6:2

अहँ, ओनङ करनाइ ठिक नै छै। पापेके खातिर अपनासब मरल चियै, तब कनङके पाप करैत जियैले सक्‍बै?

कलस्‍सी 3:3

कथिलेत तोरासबके पुरन्‍का जिबन मरलछौ आ तोरासबके लया जिबन खिरिस्‍टसङे परमेस्‍वरमे घोसरलछौ।

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।

रोमी 7:6

महज अपनासबके अधिनमे राखैबला बेबस्‍थाके लेल मैरके आब ओइसे छुटकरा पाबनेचियै, ओहैसे अपनासब पुरन्‍का लिखल बेबस्‍था अनुसार सेबा नै करैचियै, महज पबितर आत्‍माके देल लया बिधी अनुसार परमेस्‍वरके सेबा करैचियै।

१ युहन्‍ना 3:7

हे पिरिय धियापुतासब, कोइ नै तोरासबके बहकाबे। धारमिकतामे चलैबला लोक खिरिस्‍ट जखा धरमी हैछै।

रोमी 6:7

कथिलेकी मरल लोक पापके सक्‍तीसे स्‍वतन्‍तर हैछै।

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

२ कोरन्‍थी 6:17

ओकरासबसे निकैलके या आ ओइसबसे अलग रह! कोनो असुध चिज नै छु, तब हम तोरासबके सुइकार करबौ कैहके परमपरभु कहैछै।

परेरित 5:30

हमरासबके पितापुरखाके परमेस्‍वर येसुके मरलसे जियाइल्‍कै, जकरा तुसब कुरूसमे लटकाके मारने छेल्‍ही।

लुका 4:18

“परमपरभुके आत्‍मा हमर उपरछै, गरिबसबके सुसमाचार सुनाइले उ हमरा अभिसेक कैरके पठाइने छै। बन्‍धनमे परलसबके छुटकाराके लेल, अन्‍हरासबके आँख देखैके लेल, अत्‍याचारमे परलाहासबके सोतन्‍तर करैके लेल,

मतीके लिखल सुसमाचार 5:20

कथिलेत हम तोरासबके कहैचियौ, तोरासबके धारमिक्‍ता धरमगुरुसब आ फरिसीसबसे बेसी नै हेतौ त तुसब कोनो भि हालतमे स्‍वरगके राजमे नै ढुकबिही।

हिबरु 12:13

तुसब आपन चलैबला बाट सोझ बना ताकी तोहर टाङ नै लरबराबे बरु बौकार भ्‍याजाए।

परेरित 13:29

आ ओकर बिसयमे लिखल सब बात उसब पुरा करलाके बाद उसब येसुके कुरूससे निचा उताइरके चिहानमे लज्‍याके राखल्‍कै।

परेरित 10:35

महज कोनो जातीके लोक हेबे, असल काम करैबला आ ओकर डर मानैबलासबके परमेस्‍वर मन पराइछै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

कलस्‍सी 2:20

तुसब खिरिस्‍टसङे मैरके यि सन्‍सारके आधारभुत सिदान्‍तसबसे छुटकारा पाबनेचिही त, कथिले तुसब यि सन्‍सारके नियमसब पालन करैचिही?

रोमी 6:22

आब तुसब पापके बन्‍धनसे छुटकरा पाइबके परमेस्‍वरके दास भेलचिही। ओइसे तोरासबके पबितर बनाइतौ आ तुसब अनन्‍त जिबन पाबबिही।

परेरित 10:39

यहुदिया आ यरुसलेममे ओकर करल कामसबके हमसब साक्‍छी चियै। उसब ओकरा कुरूसमे लटकाके माइरदेल्‍कौ।

मतीके लिखल सुसमाचार 27:26

तकरबाद उ बारब्‍बाके ओकरासबके लेल छोइरदेल्‍कै महज येसुके कोरासे पिटके कुरूसमे लटकाइले सिपाहीसबके जिमा लगेल्‍कै।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

युहन्‍ना 19:1

तब पिलातस येसुके लज्‍याके ओकरा कोरा से मारैले सिपाहीसबके हुकुम देल्‍कै।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

मरकुस 15:15

भिरके लोकसबके माङ पुरा करैके लेल पिलातस बारब्‍बाके छोइरदेल्‍कै आ येसुके कोरासे पिटके कुरूसमे लटकाइले सिपाहीसबके जिम्‍मा लग्‍यादेल्‍कै।

१ कोरन्‍थी 15:3

हम जे पाबलियै ओह्‍या सबसे मुख बिसयके रुपमे तोरासबके सोइप देलियौ, अरथात पबितर धरमसास्‍तर अनुसार खिरिस्‍ट अपनासबके पापके खातिर मरलै।

कलस्‍सी 2:14

उ अपनासबके बिरोधमे लिखल सब तमसुक आ दाबीसब सङे रद कैरदेल्‍कै आ कुरूसमे किला ठोइकके नास कैरदेल्‍कै।

हिबरु 10:5

अहैकारनसे सन्‍सारमे आबैतखिना खिरिस्‍ट परमेस्‍वरके अनङ कहल्‍कै, “अहाँ भेटी आ बलीसब नै चाहलियै, महज अहाँ हमर खातिर एकटा देह तैयार कैरदेने चियै।

हिबरु 10:10

कथिलेकी येसु खिरिस्‍ट परमेस्‍वरके इक्‍छा पुरा करल्‍कै। ओहैसे सबदिनके लेल एके चोटी आपन देहके बलिदान द्‍याके उ अपनासबके सब पापसबसे पबितर करल्‍कै।