१ पतरुस 2:12 - मध्‍य पुरविया थारू

¹² परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ पतरुस 2:12 Referans Kwoze

१ पतरुस 3:16

महज नर्‌म भ्‍याके आदरकेसाथ सुध बिबेकसे ओइसबके जबाफ दहै। यदि तुसब एहेन करबिही त, खिरिस्‍टमे भेल तोरासबके असल चालचलन देखके तोरा बदनाम करैबला आपने लाजमे परतै।

मतीके लिखल सुसमाचार 5:16

अहिनङ तोरोसबके इजोत लोकसबके बिचमे चम्‍के, जहिनङ लोकसब तोरासबके असल काम देखके, स्‍वरगमे रहैबला पिताके परसन्‍सा करे।”

२ कोरन्‍थी 8:21

कथिलेत हमसब परभुके नजरमे मातरे नै, बल्‍की लोकोसबके नजरमे जे ठिक छै ओह्‍या करैके लक्‍छ राखैचियै।

१ थेसलोनिकी 4:12

अनङ करबिही त, खिरिस्‍टमे बिस्‍बास नै करैबला लोकसब सेहो तोरासबके आदर करतौ आ तोरासबके ककरो उपरमे भर नै परे परतौ।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

याकुब 3:13

तोरासबमेसे बुधिमान आ बुझहैबला लोक के छै? उ आपन असल चालचलनसे बुइधके नमरतासे निक काम कैरके देखाबे।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

२ पतरुस 3:11

यि सब चिज अनङ नास हेबे लागलछै त, तुसब केहेन लोक हैकेचाही? तोरासबके जिबन पबितर आ परमेस्‍वरमे समरपित हेबे परतौ।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 12:17

तुसब ककरो खराबके बदला खराब नै कर। जे चिज सबलोकके नजरमे आदरनिय छै, तैमे धियान दहै।

हिबरु 13:18

हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

हिबरु 13:5

तुसब आपन जिबनके रुपैया पैसाके मोहसे दुर राख। तोरासबसङे जे छौ ओहैमे सन्‍तोख कर, कथिलेकी परमेस्‍वर कहनेछै, “हम तोरा कोनो हालतमे नै छोरबौ, हम तोरा कोनो हालतमे नै त्‍यागबौ।”

रोमी 15:9

परमेस्‍वर गैर-यहुदीयोसबके अनुगरह करल्‍कै ताकी ओहोसब ओकर महिमा करे। जनङ पबितर धरमसास्‍तरमे लिखल छै, “अहैसे गैर-यहुदीसबके बिचमे हम अहाँके परसन्‍सा करबै आ अहाँके नामके इस्‍तुती गाब्‍बै।”

लुका 19:44

उसब तोरा आ तोहर सन्‍तानसबके धरतीमे पटकतौ, पथल उपर पथलोके बाकी नै छोरतौ, कथिलेकी तु आपन उपर भेल परमेस्‍वरके किरपाके समय नै जाने सकलिही।”

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

मतीके लिखल सुसमाचार 5:11

“धैनके चिही तुसब, जब लोकसब हमर खातिर तोरासबके अपमान करतौ, सताइतौ आ झुठ बाइज-बाइजके तोरासबके बिरोधमे सब तरहके अधलाह बात कहतौ।

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

२ कोरन्‍थी 13:7

महज तुसब असल जिबन जि कैहके हमसब परमेस्‍वरमे परथना करैचियै। हमसब आपने निक देखाबैके लेल परथना नै करैचियै, महज हमसब असफल जखा हेबै तैयो तुसब निक काम कर।

१ कोरन्‍थी 14:25

ओकर मन भितरके गुप्‍त बातसब बाहर एतै। तब उ ठेङहुनिया द्‍याके परमेस्‍वरके आराधना करतै आ “परमेस्‍वर साँचोके तोरासबके बिचमे छौ” तै बातके घोसना करतै।

परेरित 24:13

नै त उसब हमर उपर लग्‍याल आरोपके कोनो परमान दैले सक्‍तौ।

परेरित 15:14

परमेस्‍वर कनङके गैर-यहुदीके दया कैरके ओकरासबके आपन लोक बनाइल्‍कै, से बात सिमोन अखुन्‍ते कहलक,

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

लुका 1:68

“इजराएलके परमपरभु परमेस्‍वरके परसन्‍सा हेबे, कथिलेत उ एलछै आ आपन लोकसबके छुटकारा देने छै।

मतीके लिखल सुसमाचार 9:8

जब लोकसबके भिर यि देखल्‍कै तब उसब डरा गेलै आ लोकसबके एहेन सक्‍ती दैबला परमेस्‍वरके परसन्‍सा करल्‍कै।

परेरित 25:7

जब पावल ओते एलै तब यरुसलेमसे एल्‍हा यहुदीसब ओकर अगल-बगल खरा भ्‍याके गम्‍भीर किसिमके दोस लगाबे लाग्‍लै महज उसब कोनो दोसके परमान दैले नै सकल्‍कै।

युहन्‍ना 13:31

जब यहुदा बाहर निकैलके गेलै, तब येसु उसबके कहल्‍कै, “आब मानब बेटाके महिमा परगट हेतौ आ ओकरमे परमेस्‍वरके महिमा परगट हेतै।

परेरित 28:22

महज हमसब अहाँके बिचार सुनैले चाहैचियै कथिलेत अहाँके दलके बिरोध सबदिसन भ्‍यारहल छै से हमसब जानैचियै।”

रोमी 14:18

जे एहेन किसिमसे खिरिस्‍टके सेबा करैछै, उ परमेस्‍वरके खुस करैछै आ लोकसबसे आदर पाबैछै।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ पतरुस 2:15

तुसब असल काम कैरके मुरुख लोकसबके मुरखाहा बात बोलैबलासबके मुह बन्‍द कर कैहके परमेस्‍वरके इक्‍छाछै।